23 апрелдә Раил Сарбаев Мәскәүҙә һөйләшеүҙәр үткәрҙе

"Башинформ"

2010 йылдың 23 апрелендә Рәсәй Федерацияһының Элемтә һәм киң коммуникациялар министрлығында Башҡортостанда мәғлүмәт-коммуникация технологияларын артабан үҫтереү тураһында һөйләшеүҙәр үткәрелде. Бөгөн республикала IT-технопарк проекты эшкәртелә. Бизнес-пландар, технопаркты төҙөү концепцияһы әҙер ҙә инде. Премьер-министр Раил Сарбаев билдәләүенсә, әгәр проект бөтә килешеүҙәрҙе уңышлы үтһә, 15 майҙа ул РФ Хөкүмәтендә Ведомство-ара комиссияһы ултырышына сығарыласаҡ.

Буласаҡ IT-технопарк урыны билдәләнгән тип әйтергә мөмкин. Был 5000 квадрат метр майҙан менән бина һәм уның эргәһендәге 3 гектар территория. IT-технопарк мәғлүмәт-коммуникация технологиялары өлкәһендәге бөтә инновацион продукттарҙы эшкәртеү өсөн майҙан буласаҡ.

Башҡортостан Хөкүмәте Премьер-министрының Рәсәй баш ҡалаһына эш сәфәренә «Мой Банк-Москва» яуаплылығы сикләнгән йәмғиәтенең Директорҙар советы рәйесе Глеб Фетисов, «Мой банк» яуаплылығы сикләнгән йәмғиәте идараһы рәйесе Александр Арифов менән осрашыу индерелгән. Республикала торлаҡ төҙөү һәм һатып алыуға ипотека кредиты биреүҙе үҫтереү – халыҡ өсөн мөһим мәсьәлә, шуға күрә лә был йүнәлештә хеҙмәттәшлек бөгөн айырыуса талап ителә. Бынан тыш, иҡтисадтың реаль секторында оҙайлы кредиттар биреү мәсьәләләре лә тикшерелде.

Шул уҡ көндө Раил Сарбаев Ер аҫты байлыҡтарын файҙаланыу буйынса федераль агентлыҡ – “Роснедр” етәксеһе урынбаҫары Владимир Бавлов менән дә осрашты. Бында Учалы районының Муртыҡты һәм Хәйбулла районындағы Вишневский ятҡылыҡтарын үҙләштереү перспективалары тураһында һүҙ алып барылды.

Ике ятҡылыҡты ла эшкәртеү файҙалы буласаҡ: Муртыҡты алтын ятҡылығында 29 тонна алтын, ә Вишневский ятҡылығында 122 мең тонна баҡыр, 261 мең тонна цинк, 13 тонна алтын һәм 241 тонна көмөш запастары булыуы асыҡланған. Өсөнсө кварталда “Роснедр” уларҙы аукционға сығарырға планлаштыра, был Башҡортостандың руда табыу сәнәғәтенә инвестициялар йәлеп итәсәк.

1 из 2

#бр хөкүмәте премьер-министрының эш сәфәрҙәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.