Һайлау комиссиялары ағзалары квалификацияһын күтәрҙе

Евгений Рәхимҡолов

М.Аҡмулла исемендәге Башҡорт дәүләт педагогия университетында Өфөнөң территориаль һайлау комиссиялары ағзаларына өҫтәмә белем тураһында документтар тапшырыу тантанаһы үтте. Йыйылыусыларҙы курсты уңышлы тамамлауҙары менән ҡотларға Башҡортостан Республикаһы Үҙәк һайлау комиссияһы рәйесе Рәмил Мәзитов һәм БДПУ ректоры Раил Әсәҙуллин килде.

— Был квалификацияны күтәреү курстарын ойошторғанда беҙ үҙ алдыбыҙға комиссияларыбыҙҙың эш һөҙөмтәлелеген арттырырға тигән бурыс ҡуйҙыҡ, — тине Рәмил Мәзитов. — 2009 йылда һайлау закондарына етди үҙгәрештәр индерелде, тимәк, территориаль һайлау комиссиялары белгестәре был хаҡта белеү генә түгел, был нормаларҙы практикала оҫта ҡулланырға ла тейеш. Был курстар барышында коллегаларыбыҙ алған белем эштәрендә бик файҙалы булыр, тип уйлайым.

Курстар барышында территориаль һайлау комиссиялары рәйестәре һәм ағзалары һайлау закондарын, эшлекле аралашыу психологияһын өйрәнде, заманса мәғлүмәт технологияларын эштә ҡулланырға өйрәнде, һайлауҙарҙа тауыш биреү һәм һайлау бәхәстәре килеп тыуыуын тикшерҙе, тематик тренингтарҙа һәм түңәрәк өҫтәлдәрҙә ҡатнашты.

— Һайлау комиссиялары хеҙмәткәрҙәрен сифатлы әҙерләү – ысынлап та бик мөһим мәсьәлә, — тип иҫәпләй Раил Әсәҙуллин. – Быға мин һайлауҙарҙы ойоштороуҙа үҙем ҡатнашҡан осорҙа уҡ инандым. Һайлау комиссияһы ағзаһына һайлау закондарын яҡшы белеү генә етмәй, ул һиҙгер психолог та булырға тейеш. Был белем биреү программаһын эшкәртеүселәрҙе һәм ойоштороусыларҙы һайлағанда беҙҙең вузға ышаныс күрһәткәндәре өсөн БР Үҙәк һайлау комиссияһына рәхмәт белдерәбеҙ. Йәшермәйем, был берлектәге эш барышында беҙ үҙебеҙ ҙә күп нәмәгә өйрәндек. Киләсәктә бындай курстар ойоштороу тағы ла уңышлыраҡ булыр, тип ышанам.

1 из 12

#бр үҙәк һайлау комиссияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.