Премьер-министр интернаттан һуң балаларҙы күҙәтеүгә алыу программаһын эшләргә ҡушты

БР Хөкүмәтенең матбуғат хеҙмәте

БР Хөкүмәте Премьер-министры Раил Сарбаев 12 апрелдә үткәрелгән кәңәшмәлә интернаттан һуң етем балаларҙы күҙәтеүгә алыу республика программаһын әҙерләргә ҡушты.

– Балалар йорто стенаһынан сыҡҡас, балалар бихисап проблемалар менән осраша, – тине Премьер-министр. – Тормош көтөргә ҡулайлашмау, торлаҡ, социаль бәйләнештәр булмау, эшкә урынлашыу менән проблемалар – ҡыҫҡаһы, ауырлыҡтар, ҡаршылыҡтарҙың иге-сиге юҡ. Һәм үҫмер үҙе генә уларҙы бер нисек тә йырып сыға алмаясаҡ. Мотлаҡ, дәүләт ярҙамы, һеҙҙең менән беҙҙең битараф булмау кәрәк!

Проблемаларҙың бер өлөшө федераль финанслау һәм ил кимәлендә ҡарар ҡабул итеүҙе талап итә. Ләкин республика кимәлендә хәл итерлек йүнәлештәр ҙә бар. Мәҫәлән, һөнәри йүнәлеш биреү, сәләмәтләндереү буйынса эш. Йыш ҡына балаларҙы теләген һәм һәләтен иҫәпкә алмайынса уҡыу йортона уҡырға ебәрәләр. Күп балалар етди хроник сирлеләр, әммә тейешле иғтибар булмау сәбәпле, ваҡытында дауалана алмаған. Шуға күрә сифатлы диспансерлаштырыу үткәреү һәм тикшереү һөҙөмтәләре буйынса артабан дауалау көнүҙәк мәсьәлә булып ҡала.

Иң мөһиме, балалар йортонан сыҡҡас үҫмер үҙ аллы тормошҡа әҙерлекле булып аяҡ баҫһын, дәүләт уны күҙ уңынан ысҡындырмаһын һәм кәрәк саҡта ярҙам итә алһын. Һәр балалар йортонда тәрбиәләнеүселәрҙе үҙ аллы тормошҡа әҙерләү буйынса махсус занятиелар үткәрелергә тейеш.

– Балалар йорттарынан сығарылыусылар үҙ аллы тормошҡа яраҡлашҡан булырға тейеш, тип һыҙыҡ өҫтөнә алды Раил Сарбаев.

#бр хөкүмәтендә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.