«Урал-Алтай: быуаттар аша — киләсәккә» конференцияһы сиктәрендә биш симпозиум үтә

Өфөлә барған «Урал-Алтай: быуаттар аша — киләсәккә» IV Бөтә Рәсәй ғилми конференцияһы сиктәрендә көндөң икенсе яртыһында биш симпозиум үтә – «Автономиялы Башҡортостан төҙөүселәр», «Башҡортостан халыҡтарының Бөйөк Ватан һуғышына индергән өлөшө», «Йәмғиәт тормошонда уҡытыусының урыны һәм роле», «Төрки телдәрҙең тарихи грамматикалары: торошо һәм перспективалары», «Урал-Алтай донъяһында ҡатын-ҡыҙҙың урыны һәм роле». Шулай уҡ “Урал-Алтай төбәге телдәре: тарих һәм хәҙерге заман”, “Донъя цивилизацияһы контексында Урал-Алтай төбәге халыҡтарының тарихы”, “Урал-Алтай төбәге халыҡтарының матди һәм рухи мәҙәниәте – донъя цивилизацияһы ҡаҙанышы”, “Әҙәбиәт һәм фольклор Урал-Алтай төбәге халыҡтарының ҡиммәттәре системаһын сағылдырыусы булараҡ” секциялары эшләй.

Конференция эше йомғаҡтары буйынса резолюция ҡабул итеү планлаштырыла. Унда ғалимдарҙың Рәсәй халыҡтарының рухи, ғилми һәм мәҙәни ҡаҙаныштарын һаҡлауға йүнәлтелгән тәҡдимдәре биреләсәк.