24 март - Волга буйы-Урал хәрби округын ойоштороу көнө

Юлай Мәғсүмов

Бөгөн Волга буйы-Урал хәрби округы ойошторолоуға 9 йыл тула. Әммә Ҡыҙыл Байраҡлы Волга буйы-Урал хәрби округының данлы тарихы 1918 йылдың 4 майынан уҡ башлана, ул саҡта Халыҡ Комиссарҙары Советы декреты менән Эшсе-Крәҫтиәндәр Ҡыҙыл Армияһының Волга буйы һәм Урал хәрби округтары төҙөлә.

Волга буйы-Урал хәрби округы хәҙер ике федераль округтың (Волга буйы һәм Урал) административ сиктәрендә Рәсәй Федерацияһының ун туғыҙ субъекты, шул иҫәптән Башҡортостан Республикаһы территорияһында урынлашҡан.

Хәрби округтың шәхси составы үҙенең күп быуындар яугирҙарының намыҫлы хеҙмәте һәм батырлыҡтары менән билдәләнгән хәрби тарихы менән хаҡлы рәүештә ғорурлана ала. Унда Бөйөк Ватан һуғышы айырыуса ҙур урын биләй. Уралда һәм Волга буйында өс меңдән ашыу берекмә, соединение һәм частар ойошторолоп, өйрәтеп, фронтҡа оҙатыла. Һуғыш тамамланыуға уларҙың күптәренең байраҡтарын хәрби ордендар биҙәй. Фронтта күрһәткән батырлыҡтары өсөн ике мең ярымдан ашыу яугир Советтар Союзы Геройы исеменә лайыҡ була. Улар араһында Николай Кузнецов, Муса Гәрәев, Александр Матросов, Виктор Талалихин кеүек бөтә халыҡҡа билдәле батырҙар күп.

Беҙҙең көндәрҙә лә тиҫтәләгән мең яугирҙар Афғанстанда, Чечен Республикаһында үҙ хәрби һәм конституцион бурысын үтәне, дүрт меңдән ашыу кеше орден һәм миҙалдар менән наградланды, 17 хәрби хеҙмәткәр — Советтар Союзы Геройы, ә 29-ы Рәсәй Геройы исеменә лайыҡ булды.

Волга буйы-Урал хәрби округы Рәсәй Федерацияһы именлеген тәьмин итеү системаһында лайыҡлы урын биләй, округ хәрби хеҙмәткәрҙәре үҙенән алдағы быуындар традицияларын намыҫ менән дауам итә.

Быйыл хәрби округ соединениелары, частары һәм подразделениелары байтаҡ халыҡ-ара күнекмәләрҙә ҡатнашасаҡ — былар апрель айында Тажикстан Республикаһы территорияһында үтәсәк «Рубеж-2010» күнекмәһе, Ҡаҙағстанда «Тыныс миссия-2010» күнекмәһе, «Көнсығыш-2010» оператив-стратегик күнекмәһе. Хәрби округ соединениелары бөтә кәрәкле ҡоралдар менән тулыһынса комплектланған һәм, Үҙәк Азия стратегик йүнәлешендә тотороҡлолоҡто тәьмин итеп, үҙ хәрби бурыстарын гарантиялы үтәргә һәләтле.

1 из 2

#армия хеҙмәте

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.