«Урал-Алтай: быуаттар аша — киләсәккә» IV Бөтә Рәсәй ғилми конференцияһы үтәсәк

Марина Шумилова

26 мартта Өфөлә III Бөтә донъя башҡорттары ҡоролтайына арналған «Урал-Алтай: быуаттар аша — киләсәккә» IV Бөтә Рәсәй ғилми конференцияһы үтәсәк.

Конференция Урал-Алтай төбәге телдәре, донъя цивилизацияһы үҫеше контексында төбәк халыҡтары тарихы, халыҡтарҙың матди һәм рухи мәҙәниәте, Урал-Алтай төбәге әҙәбиәте һәм фольклоры проблемаларын, шулай уҡ төбәктәге хәҙерге заман этносәйәси хәлде, этномәҙәни һәт этнотел процестарын тикшерәсәк.

Ғилми форум сиктәрендә биш симпозиум үткәреү планлаштырыла: «Автономиялы Башҡортостан төҙөүселәр» (Башҡортостанда Республика йылына һәм Әхмәт-Зәки Вәлидиҙең тыуыуына 120 йыл тулыуға ҡарата), «Башҡортостан халыҡтарының Бөйөк Ватан һуғышына индергән өлөшө» (Бөйөк Еңеүҙең 65 йыллығына ҡарата), «Йәмғиәт тормошонда уҡытыусының урыны һәм роле» (Рәсәй Федерацияһында Уҡытыусы йылына ҡарата), «Төрки телдәрҙең тарихи грамматикалары: торошо һәм перспективалары» (филология фәндәре докторы, профессор Фирҙәүес Хисаметдинованың 60 йәшенә ҡарата), «Урал-Алтай донъяһында ҡатын-ҡыҙҙың урыны һәм роле».

"Урал-Алтай: быуаттар аша киләсәккә" беренсе Бөтә Рәсәй ғилми конференцияһы — 2003 йылда Горно-Алтайскиҙа, икенсеһе 2005 йылда Өфөлә үтте. Был конференцияларҙа Урал-Алтай төбәге төрки телле халыҡтарының — башҡорттар, себер татарҙары, алтайҙар, тувалар, хакастар, ҡазан татарҙарының айырым этнографик төркөмдәре, сыуаштар һәм башҡаларҙың тарих һәм этнография, әҙәбиәт һәм тел мәсьәләләре ҡаралды. Өсөнсө конференция билдәле тюрколог, башҡорт теле белгесе, уҡытыусы, Башкортостан Республикаһы өлкән быуын тел белгестәренең кәңәшсе-тәрбиәсеһе, Рәсәй Фәндәр академияһының ағза-корреспонденты Николай Дмитриевтың тыуыуына 110 йыл тулыуға арналды.

Дүртенсе конференцияның маҡсаты — төрки телдәр, әҙәбиәт һәм фольклор, тарих һәм этнография тарихын һәм хәҙерге торошон өйрәнеүҙә бөтә йүнәлештәрҙәге ғалим тюркологтарҙың тырышлыҡтарын берләштереү. Бынан тыш, конференцияла Урал-Алтай төбәгендә барған хәҙерге этник һәм этносәйәси процестар менән бәйле мәсьәләләр ҡараласаҡ. Рәсәй, БДБ илдәре тюркологтары араһында һәм, әлбиттә, Башҡортостандың үҙендә бындай вәкәләтле ғилми форумды саҡырыу ҙур ҡыҙыҡһыныу тыуҙырҙы. Рәсәйҙең төрлө ҡалаларынан, БДБ илдәренән бик күп заявкалар килде.

#конференциялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.