Башҡортостан парламентына - 15 йыл

"Башинформ"

Был көндәрҙә Башҡортостан Республикаһы Дәүләт Йыйылышы-Ҡоролтай үҙенең 15 йыллығын билдәләй. Ошо айҡанлы Башҡортостан Республикаһы Президенты Мортаза Рәхимов парламентарийҙарға ҡотлау ебәрҙе.

“Хөрмәтле Башҡортостан Республикаһы Дәүләт Йыйылышы - Ҡоролтай Рәйесе!

Хөрмәтле депутаттар!

Быйыл Башҡортостан Республикаһы Дәүләт Йыйылышы-Ҡоролтай өсөн – юбилей йылы! Ун биш йыл элек республиканың яңы Конституцияһына ярашлы Башҡортостан дәүләт власының юғары һәм берҙән-бер закондар сығарыу органы эшен башланы.

Ошо йылдарҙа республика парламенты эшмәкәрлегенең ыңғай йомғаҡтары һәм перспективалары хаҡында һүҙ алып барыу мөмкинлеге биргән ҙур юл үтелде. Дүрт саҡырылышта Дәүләт Йыйылышы тарафынан бай закондар базаһы булдырылды, хоҡуҡ ижад итеү процесын ойоштороуҙа ҙур тәжрибә тупланды.

Дәүләт Йыйылышы депутаттары парламентаризмдың иң яҡшы йолаларын арттырыу, уңышлы социаль-иҡтисади үҫеш, йәмғиәт һәм дәүләт институттарын нығытыу, Федераль үҙәк менән үҙ-ара мөнәсәбәттәр төҙөү һәм, ахырҙа, Башҡортостандың илдәге төп төбәктәрҙең береһе сифатында аяҡҡа баҫыуы өсөн ғәйәт ҙур тырышлыҡ һалды.

Йәмғиәт тормошоноң бөтә өлкәләрендә дәүләт сәйәсәтен закондар менән тәьмин итеү, ҡануниәттең сифаты һәм баланслылығы һәр саҡ иғтибарығыҙ үҙәгендә булды. Был граждандарыбыҙ йәшәйешенең хоҡуҡи һәм ойоштороу нигеҙҙәрен булдырыу, уларҙың йәшәү кимәлен күтәреү буйынса даими, маҡсатҡа ярашлы эш тураһында һөйләй.

Тиҫтә ярым йыл эсендә Дәүләт Йыйылышы федераль закондар сығарыу процесында һәм Рәсәй төбәктәре менән парламент-ара хеҙмәттәшлегендә әүҙем ҡатнашты, дәүләт власы органдары, йәмғиәт структуралары һәм граждандар менән үҙ-ара эш итеүҙең төрлө формаларын һөҙөмтәле файҙаланды.

Күп яҡлап һеҙҙең эшмәкәрлегегеҙ һөҙөмтәһендә бөгөн Башҡортостан бөтә ил күләмендә лайыҡлы абруй һәм киң танылыу яуланы. Йылдар буйы тупланған профессионализм һәм эшкә һәләтлелек өлгәшелгән уңыштарҙы һаҡлап ҡалырға, яуаплы дәүләт ҡарарҙары ҡабул итергә мөмкинлек бирер, тип ышанам.

Республика Дәүләт Йыйылышы депутаттарын, Секретариат хеҙмәткәрҙәрен иҫтәлекле дата менән ихлас ҡотлайым!

Барығыҙға ла ныҡлы һаулыҡ, именлек һәм бәхет, тыуған Башҡортостаныбыҙ хаҡына артабан да һөҙөмтәле эшмәкәрлек теләйем!

Башҡортостан Республикаһы Президенты М. Рәхимов”.

#парламентаризм #бр дәүләт йыйылышы-ҡоролтай

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.