Башҡортостандан делегация Ҡаһирәлә студенттар менән осрашасаҡ

Евгений Рәхимҡолов

БР мосолмандарының Диниә назараты ойошторған алты кешенән торған делегация март аҙағында Египетҡа барасаҡ. Унда Ҡаһирәлә, Әл-Әзһәр Халыҡ-ара ислам университетында, Башҡортостандан студенттар һәм вуз етәкселеге менән осрашасаҡ.

— 2010 йыл Башҡортостанда Республика йылы тип иғлан ителеү менән бәйле, беҙ сит илдәрҙәге студенттарыбыҙҙың тормошо тураһында фото һәм видеоматериалдар тупларға, һуңынан уларҙы тыуған илебеҙҙә күрһәтергә, йәштәрҙең проблемаларын асыҡлап, кәрәк булһа, уларға ярҙам күрһәтергә планлаштырабыҙ, — тип хәбәр итте БР мосолмандарының Диниә назараты рәйесе Руслан Саяхов.

Делегация составына республиканың күренекле мәҙәниәт һәм йәмәғәт эшмәкәрҙәре инә. Шул иҫәптән Кинйә Арсланов исемендәге Хәйриә фонды вице-президенты Салауат Юлбарисов һәм билдәле фоторәссам, РФ-тың һәм БР-ҙың атҡаҙанған мәҙәниәт хеҙмәткәре Рәмил Килмәмәтов. Өфөнән Ҡаһирәгә юлға сығыусы ҡатын-ҡыҙҙар төркөмөн «Сәләм» магазины директоры Әлфиә Иҙрисова етәкләй, улар Башҡортостандан Әл-Әзһәрҙә уҡыусы ҡыҙҙар менән аралашырға йыйына.

Дөйөм алғанда, Әл-Әзһәрҙә республикабыҙҙан 50-ләп студент уҡый. Уларҙың 15-е уҙған йәйге каникулдары ваҡытында үҙ тыуған илендә республиканың төрлө райондарында практика үтте, уларға имамдар тик ыңғай ғына баһа бирҙе.

Ҡаһирәлә уҡыған балаларға сит илдәрҙә Башҡортостандың күргәҙмә-презентацияларын ойоштороу кеүек мөһим миссия ла йөкмәтелгән. Был республиканың һәм илдең имиджын күтәреү өсөн дә кәрәк, сөнки ғәрәп донъяһында, ҡыҙғанысҡа ҡаршы, Рәсәй һәм уның төбәктәре мәҙәниәте менән аҙ таныштар. Шул уҡ Египетта этник мосолмандарҙың күбеһе йәшәгән Башҡортостанды бик аҙҙар ғына ишетеп белә.

Былтыр сентябрҙә Ҡаһирәгә юлланғанда, студенттар үҙҙәре менән милли кейем, музыка ҡоралдары, халыҡ кәсебе әйберҙәре, республикабыҙ хаҡында фильмдар һәм фотографиялар запасы алғайны. Был материалдарҙы улар апрель башында Әл-Әзһәрҙә үтәсәк республикабыҙға арналған күргәҙмәләр үткәргәндә файҙаланырға планлаштыра.

1 из 2

#делегация #студенттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.