Раил Сарбаев Мәскәүҙә бәләкәй бизнесҡа ярҙам итеүҙе яҡлап сығыш яһаны

Михаил Сытин

24 февралдә РФ Хөкүмәте Рәйесенең беренсе урынбаҫары Игорь Шувалов рәйеслегендә үткән «2009 йылда бәләкәй һәм урта эшҡыуарлыҡҡа дәүләт ярҙамы сараларын тормошҡа ашырыу йомғаҡтары тураһында» РФ Хөкүмәт комиссияһы ултырышында Башҡортостан Республикаһы Хөкүмәте Премьер-министры Раил Сарбаев бәләкәй һәм урта бизнесҡа ярҙам буйынса программаларҙы үтәү йомғаҡтарын уҡып ишеттерҙе.

Был линия буйынса республика былтыр 1 миллиард 73 миллион һум үҙләштерҙе. 1100 бәләкәй һәм урта бизнес субъекты республика һәм федераль бюджеттан финанс ярҙамы алды.

– Бөгөн үк беҙ, күрелгән саралар 2 меңдән ашыу яңы эш урыны булдырырға һәм 11 мең эш урынын һаҡлап алып ҡалырға ярҙам итте, тип әйтә алабыҙ, – тип һыҙыҡ өҫтөнә алды Премьер.

Эшҡыуарҙарға ярҙам итеүҙең төп механизмдарын һәм программаның һәр йүнәлеше һөҙөмтәләрен асып һалып, Раил Сарбаев, инновациялар һәм сәнәғәт производствоһы өлкәһендә бәләкәй һәм урта эшҡыуарлыҡты үҫтереүгә айырыуса ҙур иғтибар бирелә, тип билдәләне.

Ул шулай уҡ бәләкәй бизнесҡа ярҙам системаһын камиллаштырыу буйынса тәҡдимдәр менән сығыш яһаны. Алты пунктта ул федераль кимәлдә хәл итеүҙе талап иткән бәләкәй һәм урта бизнестың төп проблемаларын атаны.

Федераль законда бәләкәй бизнесҡа бирелгән субсидияларҙы һалым һалыуҙан азат итеү мөмкинлеген ҡарарға, бәләкәй бизнес субъекттары өсөн яғыулыҡҡа билдәле бер хаҡтар булдырырға һәм “бәләкәй хосусилаштырыу” тураһында Федераль закондың ғәмәли ваҡытын оҙайтырға тәҡдим ителде.

Башҡортостан Хөкүмәте Премьер-министры технопарктар, индустриаль, сәнәғәт парктары ойошторғанда шәхси күсемһеҙ милекте йәлеп итеү буйынса тәҡдимдәр индерҙе. Буш майҙан хужаларын ҡыҙыҡһындырыу төбәк һәм федераль бюджет средстволарын һөҙөмтәлерәк файҙаланырға булышлыҡ итәсәк.

Раил Сарбаев шулай уҡ шәхси ярҙамсы хужалыҡтарҙы бәләкәй эшҡыуарлыҡ категорияһына индерергә тәҡдим итте. Был уларға системалы дәүләт ярҙамы алырға мөмкинлек бирәсәк.

1 из 4

#рф хөкүмәтендә #бәләкәй һәм урта бизнесҡа ярҙам

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.