Башҡортостан Президенты банкирҙарға уңайһыҙ һорауҙар бирҙе

— Уҙған йылда ярайһы ҙур дәүләт саралары банк секторына йүнәлтелде, — тип билдәләне республика башлығы Башҡортостан парламентына Мөрәжәғәтнамәһендә. — Был уның финанс тотороҡлоғон һаҡлап ҡалырға булышлыҡ итте. Ләкин төбәк банктарын капиталлаштырыу түбән булып ҡала. Ипотека кредитлауы биш тапҡырға кәмене. Кредит буйынса ставкалар күтәрелде. Оҙайлы ваҡытҡа иҫәпләнгән ресурстарҙың түбән кимәлдә булыуы реаль секторҙы тейешле күләмдә финансларға мөмкинлек бирмәй. 2009 йылда төп капиталға банк инвестициялары күләме 9,6 миллиард һум тәшкил итте, ә республика банкы системаһы Рәсәй Банкынан 61,9 миллиард һум аҡса алғайны. Был республика бюджетына торошло! Белергә ине – был аҡсалар предприятиеларға барып еттеме икән? Һәм иҡтисадҡа бынан ни фәтүә?