Мортаза Рәхимов Свердловск өлкәһе губернаторын ҡабул итте

8 февралдә Республика Йортонда Башҡортостан Президенты Мортаза Рәхимов Өфөгә төбәктәр үҫеше мәсьәләләре буйынса Хөкүмәт комиссияһы ултырышында ҡатнашыу өсөн килгән Свердловск өлкәһе губернаторы Александр Мишарин менән эш осрашыуы үткәрҙе.

Әңгәмә башында Мортаза Рәхимов Александр Мишаринды Свердловск өлкәһе етәксеһе вазифаһына тәғәйенләнеүе менән ҡотланы, уға яуаплы вазифаһында уңыштар теләне.

Осрашыу ваҡытында Мортаза Рәхимов менән Александр Мишарин социаль-иҡтисади, фәнни-техник һәм мәҙәни өлкәләрҙә төбәк-ара хеҙмәттәшлекте артабан киңәйтеүҙең мөһимлеген һыҙыҡ өҫтөнә алды.

— Башҡортостан менән Свердловск өлкәһен географик урыны ғына түгел, Уралдың дөйөм тарихы ла бәйләй. Һәм беҙгә яйға һалынған күршеләрсә татыу мөнәсәбәттәрҙе артабан үҫтерергә кәрәк, — тип билдәләне Мортаза Рәхимов.

Александр Мишарин Башҡортостан Президентының тәҡдимен хупланы һәм, Свердловск өлкәһе өсөн республика һәр ваҡыт төп сауҙа-иҡтисади партнерҙарҙың береһе булды һәм шулай булып ҡала ла, тип билдәләне.

— Төбәктәребеҙ бер-береһенә күп аспекттар буйынса бәйле. Мәҫәлән, беҙҙең күп предприятиеларыбыҙ Башҡортостандан сеймал ала. Хәҙерге иҡтисади бәйләнештәр кимәле – ул әле сик түгел, тип иҫәпләйем, — тине Александр Мишарин.

Осрашыуҙа шулай уҡ Башҡортостан менән Свердловск өлкәһен тоташтырыусы автомобиль юлын реконструкциялау буйынса проектты тормошҡа ашырыу кәрәклеге тураһында ла һүҙ алып барылды.

***

Башҡортостан Республикаһы менән Свердловск өлкәһе араһындағы бәйләнештәрҙең мөһим йүнәлеше булып иҡтисади хеҙмәттәшлек тора. 2008 йылда Свердловск өлкәһе менән тауар әйләнеше 19 миллиард һумдан ашып китте, шул иҫәптән Башҡортостан Республикаһынан 15 миллиард һумдан ашыулыҡ тауар сығарылды, Башҡортостан Республикаһына 4 миллиард һумлыҡ индерелде.

Республиканан Свердловск өлкәһенә, башлыса, производство-техник тәғәйенләнештәге тауарҙар сығарыла. Өлкәнән Башҡортостанға ҡара металдар прокаты, ҡорос торбалар, радиаторҙар һәм йылытыу конвекторҙары, эшлекле ағас, еңел һәм йөк автомобилдәре өсөн шиндар, экскаваторҙар, косметик изделиелар һәм парфюмерия, кондитер һәм макарон изделиелары индерелә.

Шулай уҡ мәҙәниәт һәм мәғариф өлкәһендә лә тығыҙ бәйләнештәр урынлаштырылған. Свердловск өлкәһе биләмәһендә 37 меңдән ашыу башҡорт тупланып йәшәй, 5 милли-мәҙәни үҙәк, шул иҫәптән Свердловск өлкәһе башҡорттары ҡоролтайы Башҡарма комитеты эшләй.

Автор:БР Президентының матбуғат хеҙмәте

Теги:президентта осрашыуҙар

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».