Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Сәйәсәт
4 Февраль 2010, 10:16
Асҡын районы имамдары социаль сирҙәргә ҡаршы көрәшә
Асҡын районында «Диндең кеше һәм йәмғиәт һаулығына йоғонтоһо» семинары үтте. Был сараның инициаторы булып урындағы мосолман руханиҙары сығыш яһаны.
БР мосолмандарының Диниә назаратынан хәбәр итеүҙәренсә, бындай семинарҙар Асҡын районында традиционға әйләнеп бара. Улар урындағы халыҡта ҙур ҡыҙыҡһыныу тыуҙыра һәм дини хеҙмәткәрҙәрҙең һөнәри камиллашыуына булышлыҡ итә. Бындай семинарҙарҙың күбеһе социаль сирҙәрҙе иҫкәртеүгә, беренсе сиратта, йәштәр араһында сәләмәт йәшәү рәүешен, йәғни “мәңгелек ҡиммәттәр”ҙе пропагандалауға йүнәлтелгән. Мәҫәлән, Яңы йыл байрамдары алдынан бында йәштәр араһында эскелек, наркомания һәм тәмәке тартыуҙың таралыуын иҫкәртеүгә йүнәлтелгән «Йәштәрҙе тәрбиәләүҙә исламдың роле» семинары үткәрелде.
Асҡын районы имам-мөхтәсибе Мөхәммәт Хәсәновтың һүҙҙәренә ҡарағанда, урындағы руханиҙарҙың бындай саралары район хакимиәте яғынан әүҙем яҡлау таба.
Автор:
Евгений Рәхимҡолов
Теги:
дин
Читайте нас: