ТӨРКСОЙ етәксеһе Дюсен Касеинов менән осрашыу

2 февралдә Республика Йортонда Башҡортостан Президенты Мортаза Рәхимов Төрки мәҙәниәтте һәм сәнғәтте үҫтереү буйынса халыҡ-ара ойошманың (ТӨРКСОЙ) генераль секретары Дюсен Касеинов менән эш осрашыуы үткәрҙе.

Башҡортостан Республикаһы менән ТӨРКСОЙ араһында мәҙәниәт һәм фән өлкәһендә хеҙмәттәшлек итеү, ижади һәм йәмәғәт ойошмаларының үҙ-ара бәйләнешен киңәйтеү мәсьәләләре тикшерелде.

Мортаза Рәхимов әйтеүенсә, Башҡортостан менән ТӨРКСОЙ ҙур хеҙмәттәшлек тәжрибәһенә эйә, Башкортостандың ижади ойошмалары, сәнғәт оҫталары һәм ғалимдары ТӨРКСОЙ башланғысында үткәрелгән бөтә сараларҙа әүҙем ҡатнаша.

Дюсен Касеинов, төрки телле илдәрҙең мәҙәниәт министрҙары советы 2010 йылды Әхмәт-Зәки Вәлиди йылы тип иғлан итергә ҡарар итте, тип хәбәр итте. ТӨРКСОЙ ағзаһы илдәрендә Әхмәт-Зәки Вәлиди мираҫын өйрәнеүгә арналған ғилми-ғәмәли конференциялар, мәҙәни саралар үтәсәк. Бынан тыш, 2010 йылдың майында Истанбулда Башҡортостан Республикаһының Фән һәм мәҙәниәт көндәре үткәреләсәк.

Мортаза Рәхимов хеҙмәттәшлек перспективаларын ыңғай баһаланы һәм донъяның төрки халыҡтары араһында бәйләнештәрҙе артабан нығытыуҙа уңыштар теләне.

Осрашыуҙа Рәсәй Сит ил эштәре министрлығының Өфөләге вәкиле Илшат Миңлебаев ҡатнашты.

Автор:БР Президентының матбуғат хеҙмәте

Теги:президент осрашыуҙары

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».