Башҡортостандың район һәм ҡала башлыҡтары Өфө предприятиелары эше менән таныша

Башҡортостан Республикаһы муниципаль райондары һәм ҡала округтары хакимиәт башлыҡтарының семинарында ҡатнашыусылар бөгөн республикабыҙ баш ҡалаһының бер нисә предприятиеһын ҡараясаҡ.

Өфө хакимиәтенең мәғлүмәт-аналитика бүлегенән “Башинформ”ға хәбәр итеүҙәренсә, семинарҙа ҡатнашыусылар өс төркөмгә бүленгән. Шуның беренсеһе “Ҡаланы таҙартыу буйынса махсус хужалыҡ”, “Уфагорсвет” муниципаль унитар предприятиеларын,”Башсервис Н2О”, “Тәҙрәләр галереяһы”, “Полекс-Урал” һәм “Полимер” яуаплылығы сикләнгән йәмғиәттәре эшмәкәрлеге менән танышасаҡ.

Икенсе һәм өсөнсө төркөм төрлө маршрут буйынса “7-се икмәк заводы”, “Лак-буяу материалдары”, “Максимовка сусҡасылыҡ комплексы”, “Ҡош-ҡорт ҡураһы” яуаплылығы сикләнгән йәмғиәттәрен һәм Ҡаты көнкүреш ҡалдыҡтары полигонын ҡарарға иҫәп тота.