Вторник, 21 Апреля 2026

Уфа

+9 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

09:23 (UTC+5), 14 Января 2010

Үрге Тәтешлелә яңы мәктәп асылды

Ғәлиә Нәбиева, Юлай Мәғсүмов

Башҡортостанда яңы белем биреү учреждениеларын асыу дауам итә. Күптән түгел Ғафури районының Красноусол ауылында 1-се мәктәп уҡытыусылары һәм уҡыусылары яңы бинаға күсеп шатланғайны, ә бөгөн Тәтешле районының Үрге Тәтешле ауылы халҡына ҙур байрам. Көндөң тәүге яртыһында район үҙәгендә 1-се урта дөйөм белем биреү мәктәбенең башланғыс кластар бинаһы асылды. Төҙөлөш 2009 йылдың июнендә башланғайны. Ярты йылда 215 уҡыусыға иҫәпләнгән өс ҡатлы бина ҡалҡып та сыҡты. Республика бюджетынан төҙөлөшкә 23 миллион 747 мең һум аҡса бүленде. Бинаның дөйөм майҙаны – 10178,8 квадрат метр.

Яңы корпус кәрәкле ҡорамалдар һәм йыһаздар менән комплектланған. Бында махсус компьютер техникаһы менән йыһазландырылған лингафон кабинеты урынлашҡан. Яңы бинала бөтәһе 11 иркен һәм уңайлы класс бүлмәһе. Үҙ ашханаһы ла бар.

Тәтешлеләрҙе ҙур ваҡиға менән ҡотларға Башҡортостан Президенты Мортаза Рәхимов килде. Республика башлығы тағы бер яңы мәктәпте асыуҙа шатланып ҡатнашыуын белдерҙе. Быға тиклем башланғыс мәктәп иҫке бинала урынлашҡан булған.

Үрге Тәтешле ауылында Башҡортостан Президенты урындағы халыҡ менән аралашты, 14 һәм 17 бала тәрбиәләгән Хәйбуллиндар һәм Мәрғәмовтар ғаиләләре менән осрашты.

Башҡортостан Президентының Тәтешле районы буйлап сәфәрендә БР төҙөлөш, архитектура һәм транспорт министры Рауил Ибәтуллин, мәғариф министры Зиннәт Аллаяров ҡатнаша.

1 из 14

#президенттың эш сәфәре #яңы мәктәп

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.