Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Сәйәсәт
12 Ғинуар 2010, 15:41

Уҡытыусы йылына бәйле Башҡортостан Республикаһында уҙғарыласаҡ саралар тураһында

Рәсәй Федерацияһы Президентының 2009 йылдың 10 мартындағы 259-сы һанлы “Рәсәй Федерацияһында Уҡытыусы йылын уҙғарыу тураһында”ғы Указына ярашлы, Башҡортостан Президенты бөгөнгө Указы менән Рәсәй Федерацияһындағы Уҡытыусы йылына бәйле Башҡортостан Республикаһында саралар әҙерләү һәм үткәреү өсөн Башҡортостан Республикаһы Хөкүмәтенә ойоштороу комитетын булдырырға ҡушты. Рәсәй Федерацияһы Хөкүмәтенең Рәсәй Федерацияһындағы Уҡытыусы йылы сиктәрендә үткәрелергә тейешле раҫланған саралар планын иҫәпкә алып, БР Хөкүмәтенә Башҡортостан Республикаһында үткәреләсәк саралар планын эшләргә һәм раҫларға, Указды тормошҡа ашырыу менән бәйле сығымдарҙы финанслау сығанаҡтарын билдәләргә ҡушылды.
Башҡортостан Республикаһының муниципаль райондары һәм ҡала округтары хакимиәттәренә ошоға ярашлы сараларҙы Рәсәй Федерацияһындағы Уҡытыусы йылына бәйле үткәрергә тәҡдим ителде.
Указдың үтәлешен Башҡортостан Президенты Хакимиәте контролдә тотасаҡ.
Указ ҡул ҡуйылған көндән көсөнә инә.
Автор:БР Президентының матбуғат хеҙмәте
Читайте нас: