Республикала өс почтамт кәмене

Любовь Колоколова

Быйылғы йылдың 1 ғинуарынан Башҡортостан өс почтамтҡа кәмене. Благовещен районы элемтә үҙәге Өфө почтамты составына, Салауат ҡалаһыныҡы – Ишембай почтамтына, Ә Октябрьский ҡалаһының элемтә үҙәге Туймазы почтамтына ҡушылды.

Был үҙгәрештәр “Рәсәй почтаһы” федераль дәүләт унитар предприятиеһының почта элемтәһе селтәрендә идаралыҡ аппаратын һәм бер-береһен ҡабатлап килгән функцияларҙы оптималләштереү арҡаһында килеп сыҡҡан үҙгәртеп ҡороуҙарға бәйле башҡарылды. Планда ҡайһы берәүҙәрен ябыу арҡаһында ҡала һәм район почтамттарын эреләтеү ҡаралған. Быға оҡшаш тәүге эштәр республикала 2006-2007 йылдарҙа уҡ булып үткән.

Хеҙмәткәрҙәр коллективы, техника һәм биналар үҙгәртелгән объекттарҙа элеккесә ҡалған. Уларҙың статусы ғына үҙгәргән. Был почтаны эшкәртеү процесын һәм алып барып еткереү ваҡытын уңайлаштырырға һәм хат корреспонденцияһы үткән ваҡытты ҡыҫҡартырға мөмкинлек биргән. Бындай үҙгәртеп ҡороуҙар “Рәсәй почтаһы”ның башҡа филиалдарында ла алып барыла.

БР Федераль почта элемтәһе идаралығы начальнигы Альберт Дүсәлимов һүҙҙәре буйынса, бындай үҙгәрештәр иң элек автотранспорт эшен оптималләштерергә, төп кассаларҙы тейешле кимәлдә тоторға һәм аҡсаны инкассациялауға киткән сығымдарҙы ҡыҫҡартырға булышлыҡ итә. Бынан тыш, почта элемтәһе бүлексәләре һәм күрһәтелгән почта хеҙмәттәре иҫәбен һаҡлау һәм республика почта элемтәһе менән идара итеүҙең етеҙлеген арттырыу менән бергә, почтамттарҙы бергә ҡушыу планлы-финанс эшен үҙәкләштерергә ярҙам итәсәк.

БР Федераль почта элемтәһенең матбуғат хеҙмәте хәбәр итеүенсә, Башҡортостанда бөгөн почтамттар һаны 29-ға тиң.

#почта #элемтә #уфпс рб

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.