Мортаза Рәхимов республиканың төньяҡ-көнсығышы буйлап эш сәфәрендә булды

Евгений Рәхимҡолов, Эльвира Латипова

Башҡортостан Президенты Мортаза Рәхимов шәмбе көнө, 26 декабрҙә, республиканың төньяҡ-көнсығыш райондарында булып ҡайтты. Сәфәрҙең маҡсаты – социаль инфраструктура объекттарының эше менән бәйле мәсьәләләрҙе урында хәл итеү.

Уны төҙөлөш, архитектура һәм транспорт министры Рауил Ибәтуллин һәм мәғариф министры Зиннәт Аллаяров оҙатып йөрөнө.

Ҡыйғы районында Президент медиктар өсөн буласаҡ торлаҡты ҡараны. Үрге Ҡыйғы ауылында Үҙәк район дауаханаһының элекке хирургия корпусының ике ҡатлы бинаһы дөйөм ятаҡ итеп үҙгәртеп төҙөлә. Әлеге ваҡытҡа уның түбә ябыуы яңыртылған, инженер коммуникациялары төҙөлгән. Бина сайдинг менән көпләнә. Объектты тапшырыу февралгә планлаштырылған.

Балаҡатай районының Яныбай ауылында был көндө мәктәп һәм балалар баҡсаһы тантаналы асылды. Заманса талаптарға яуап биргән яңыртылған мәктәпкә хәҙер капиталь төкәтмә өҫтәлде, унда спорт залы һәм оҫтахана урынлашҡан. Мәктәптең майҙаны 1750 квадрат метрға тиклем ҙурайҙы. Ә балалар баҡсаһы итеп торлаҡ йорт үҙгәртеп ҡоролдо. Хәҙер педагогтарға һәм тәрбиәләнеүселәргә иркенерәк тә, йылыраҡ та, хәүефһеҙерәк тә буласаҡ: элек балалар баҡсаһы иҫке ағас бинала урынлашҡайны.

Ошо уҡ райондың Ямаш ауылында реконструкциянан һуң Мәҙәниәт йорто асылыуын байрам иттеләр. Эштәр июнь айында башланғайны. Хәҙер иҫке клубты танырлыҡ та түгел – уның урынында үҙ статусына тулыһынса тап килгән ысын Мәҙәниәт йорто ҡалҡып сыҡты.

Дыуан районында республиканың төньяҡ-көнсығышында берҙән-бер ауыл хужалығы профилендәге уҡыу йорто – аграр техникум үҙгәртеп ҡорола. Техникумды уҙған быуаттың 90-сы йылдарында уҡ реконструкцияларға ҡарар итәләр, әммә килеп сыҡмай: 2000 йылда эште туҡтаталар. Бына 2009 йылдың октябрендә генә төҙөүселәр ҡайтанан эшкә тотона. Әлеге көндә эштәр тамамланыуға яҡынлаша, биҙәү һәм түбә ябыу эштәре бара.

Мортаза Рәхимов булған һуңғы объект — «Янғантау» санаторийы эргәһендәге дөйөм белем биреү мәктәбе. Унда әле реконструкция алып барыла, төкәтмә иҫәбенә мәктәптең майҙаны ике тапҡырға ҙураясаҡ.

1 из 6

#бр президенты #эш сәфәрҙәре #төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.