94.87
0
Башҡортостан һәм Өфө яңылыҡтары
104.74
0
79.54
+1.49
11+ °C
Ямғыр
Бөтә яңылыҡтар
Сәйәсәт
25 Декабрь 2009, 15:38
Иң яҡшылар бүләкләнде
Иҡтисад, социаль һәм хоҡуҡ өлкәләренең 60-тан ашыу вәкиле бөгөн юғары наградалар алды. Тантана Республика Йортонда үткәрелде. Наградаларҙы Башҡортостан Президенты Мортаза Рәхимов тапшырҙы.
БР Президенты Хакимиәте етәксеһе Николай Кураповҡа БР Почет грамотаһы тапшырылды.
Традиция буйынса иң тәүҙә Рәсәй Федерацияһы Президенты Указы менән наградланыусыларҙы хөрмәтләнелр. Мәләүездән Марат Ишбаевтың эше дәүләт башлығының рәхмәт хаты менән билдәләнде. Ул көньяҡ округтың Афғанстан ветерандары союзы рәйесе урынбаҫары.
Салауат Юлаев орденын бөгөн «Газ-Сервис» асыҡ акционерҙар йәмғиәтенең баш инженеры Рәйес Кускилдинға һәм «Бөтә донъя башҡорттары ҡоролтайы» Халыҡ-ара йәмәғәт берләшмәләре союзы Башҡарма комитеты ағзаһы — «Учалыһөт» ябыҡ акционерҙар йәмғиәтенең директорҙар советы рәйесе Тәлғәт Хәйеровҡа тапшырҙылар.
Тәлғәт Хәйеров – сығышы менән Силәбе өлкәһенән. Бында ул производство, шулай уҡ йәмәғәт эшмәкәрлеге менән әүҙем шөғөлләнә. Республика Президенты, элек республикала Учалының һөт продукцияһы тураһында аҙ беләләр ине, ләкин һуңғы йылдарҙа хәл үҙгәрҙе. Һөт эшкәртеү үҫешә. Тулайым һауым буйынса Учалы районы бөгөн алдынғы биләмәләр иҫәбенә инә.
Был көн Өфө моторҙар эшләү производство берекмәһе коллективы өсөн дә әһәмиәтле булды. Топ-менеджер Александр Артюхов етәкселегендә бер төркөм иң яҡшы хеҙмәткәрҙәр «Башҡортостан Республикаһында фиҙакәр хеҙмәте өсөн» отличие билдәләре, БР Почет грамоталары һәм төрлө өлкәләрҙә «атҡаҙанған» исемдәре алды.
— Был йәш директор ауыр шарттарҙа коллективты һаҡлап ҡала алды, — республика Президенты ӨМЭПБ-ның генераль директорына шундай характеристика бирҙе, уға “БР-ҙың атҡаҙанған машиналар эшләүсеһе” исеме бирелде. – Бөгөн берекмә тотороҡло эшләй. Башлыса, Ҡытай, Һиндостан, Малайзия, Алжир өсөн продукция сығаралар. Уникаль двигателдәр эшләйҙәр.
Наградланыусылар араһында медиктар ҙа аҙ түгел. Өфө, Салауат, Стәрлетамаҡ ҡалаларынан, Балтас һәм Федоровка райондарынан һигеҙ кеше бөгөн Башҡортостан Республикаһының атҡаҙанған врачтары булды.
Мәҙәниәт, транспорт, халыҡты социаль яҡлау, физик культура хеҙмәткәрҙәре, уҡытыусылар, энергетиктар, иҡтисадсылар, нефтселәр һәм юристар почетлы исемдәргә эйә булды.
— Башҡортостан ижад итә һәм эшләй, — тине Президент. – Һәм бында залда ултырыусыларҙың ҡаҙанышы ҙур.
Мортаза Рәхимов, быйыл күп күрһәткестәр буйынса республика 2008 йылдағынан насар эшләмәне, тип билдәләне. Хатта аграрийҙар, ҡоролоҡ булыуға ҡарамаҫтан, яҡшы ғына уңыш йыйып алды. Киләһе йылда ла байтаҡ эштәр тора. Президент барыһына ла яңы йылда уңыштар, һаулыҡ һәм бәхет теләне.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».