Дмитрий Медведев: 2009 көрсөк йылы өсөн беҙ күп түләмәнек

Евгений Рәхимҡолов

Рәсәйҙәр 2009 көрсөк йылы өсөн сағыштырмаса аҙ хаҡ түләне. Бер юлы өс федераль каналдың – «Беренсе», «Россия» һәм НТВ – тура эфирында уҙған йылға йомғаҡ яһап, Рәсәй Президенты Дмитрий Медведев бөгөн ошондай фекер әйтте.

— Иҡтисади көрсөккә ҡарамаҫтан, 2009 йыл беҙгә сағыштырмаса еңел бирелде, — тине Президент. – Хәҙер, ил иҡтисады бирешмәне һәм беҙ өс нәмәгә өлгәшә алдыҡ, тип тулы ышаныс менән әйтергә мөмкин. Беренсеһе – бөтә социаль түләүҙәрҙең тотороҡлоғон тәьмин итеүгә һәм пенсияларҙың күләмен арттырыуға өлгәштек. Был йүнәлештә эш, әйткәндәй, киләһе йылда ла дауам иттереләсәк. Икенсеһе – беҙ финанс тотороҡлолоғон һаҡлай, банк һәм кредит өлкәләрендә тәртип булдыра, милли валютабыҙҙың тотороҡлолоғон тәьмин итә алдыҡ. Һәм өсөнсөһө – беҙ системаны тәшкил итеүсе предприятиеларыбыҙҙы һаҡлай алдыҡ, уларҙың береһенең дә банкротлығына юл ҡуйманыҡ.

Дмитрий Медведев фекеренсә, быйыл Рәсәйҙә инфляцияның туғыҙ процент ҡына тәшкил итеүе лә беҙҙең көрсөк йылы өсөн түләгән хаҡтың түбән булыуы хаҡында һөйләй, ә 2008 йылда ул 13 процент булғайны.

— Шул уҡ ваҡытта быйыл беҙҙә эске тулайым продукт 8,7 процентҡа кәмене, — тине Президент, — әммә мин 2010 йылда уҡ уның 2,5 проценттан биш процентҡа тиклем үҫешен күҙәтәсәгебеҙгә ышанам.

Үҙенең һис шикһеҙ ыңғай үҙгәрештәре менән бер рәттән уҙып барыусы йыл беҙгә, Президент фекеренсә, бик күп хәл ителмәгән проблемалар ҙа ҡалдырҙы. Улар араһында иң мөһимдәре – эшһеҙлек, иҡтисадтың сеймал экспортына бәйле булыуы һәм илебеҙҙә конкуренцияға һәләтһеҙ предприятиеларҙың күплеге.

— Тауарҙарыбыҙ эске Рәсәй һәм бөтә донъя баҙарҙарында талап ителһен һәм конкуренцияға һәләтле булһын өсөн инновацион технологияларҙы индерергә кәрәк, — тип иҫәпләй Президент. Әммә был йүнәлештә эш әлегә беҙҙә, ҡыҙғанысҡа ҡаршы, бик һүлпән алып барыла.

#дмитрий медведев

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.