Ғәйнәямаҡ ауылында ремонттан һуң мәктәп асылды

Евгений Рәхимҡолов

22 декабрҙә Әлшәй районына эш сәфәре менән сыҡҡан Башҡортостан Президенты Мортаза Рәхимов Ғәйнәямаҡ ауылында мәктәп асыу тантанаһында ҡатнашты.

Уны 2009 йылдың сентябрендә ремонтлай башлағайнылар, хәҙер инде эштәр тамамланды. Мәктәпте реконструкциялауға республика бюджетынан 25 миллион һумға яҡын аҡса бүленде.

130 уҡыусыға иҫәпләнгән мәктәптә 11 уҡыу кабинеты, спортзал, ашхана, китапхана урынлашҡан, душ бүлмәһе бар. Бында Ғәйнәямаҡтан, шулай уҡ яҡындағы ауылдарҙан 1-9-сы синыф балалары уҡыясаҡ.

Президент һәм уны оҙатып йөрөүсе БР мәғариф министры Зиннәт Аллаяров, БР төҙөлөш, архитектура һәм транспорт министры Рауил Ибәтуллин, Әлшәй районы хакимиәте башлығы Дамир Мостафин яңы ҡорамалдар менән йыһазландырылған кабинеттарҙы, спорт залын, ашхананы, компьютер класын ҡараны. Республика башлығы уҡыусылар менән аралашты һәм уларҙың белеменән генә түгел, тышҡы ҡиәфәтенән дә ҡәнәғәт ҡалды, сөнки яңы мәктәптә уҡыусылар заказ биреп тектерелгән өр-яңы матур формала килгән. Мәктәп китапханаһында Президент “Абруйлы ҡунаҡтар кенәгәһе”ндә яҙма ҡалдырҙы.

Мәктәпте ҡарап сыҡҡандан һуң уҡытыусылар, уҡыусылар һәм ата-әсәләр йыйылған спорт залында тантана үтте.

Президент, иҫке мәктәптәрҙе реконструкциялау һәм яңыларын төҙөү дауам итәсәк, тип вәғәҙә бирҙе.

Әлшәй районына эш сәфәре барышында Башҡортостан Президенты Раевка ауылындағы 148-се юл-машина станцияһының яңы рельс-шпал рәшәткәһе цехы менән танышты. Республика башлығына яңы цехты Куйбышев тимер юлының Башҡортостан бүлексәһе начальнигы Владимир Бучельников күрһәтте.

Элек рельс-шпал рәшәткәһе ошонда туранан-тура урамда етештерелә ине, шуға күрә хеҙмәт етештереүсәнлеге түбән булды. Хәҙер етештереү махсус төҙөлгән цехта өр-яңы автоматлаштырылған линияла башҡарыласаҡ. Уның етештереүсәнлеге сәғәтенә 100 метр, сменаһына 500 метр рельс-шпал рәшәткәһе тәшкил итә.

Әле юл-машина станцияһында 400-гә яҡын кеше эшләй. Яңы цех ауылға тағы ла 94 эш урыны бирәсәк. Уны рәсми асыу тантанаһы 28 декабрҙә үткәрелә.

1 из 6

#президент маршруттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.