Куйбышев тимер юлы начальнигы менән осрашыу

БР Президентының матбуғат хеҙмәте

16 декабрҙә Республика Йортонда Башҡортостан Президенты Мортаза Рәхимов Куйбышев тимер юлы начальнигы Сергей Кобзев менән эш осрашыуы үткәрҙе.

Осрашыу барышында республикала ҡала эргәһе пассажир ташыуҙарҙы ойоштороу һәм пассажирҙарҙы хеҙмәтләндереү сифатын яҡшыртыу мәсьәләләре ҡаралды. Ҡала эргәһе пассажир ташыуҙарҙың һөҙөмтәлелеген күтәреү өсөн 2010 йылда "Башҡортостан ҡала эргәһе пассажир компанияһы" ойоштороласаҡ. Бындай компаниялар РФ Хөкүмәте тарафынан раҫланған тимер юл транспорты структураһын реформалаштырыу программаһы сиктәрендә Рәсәйҙең бер нисә төбәгендә ойошторола. Республика Президентына Сергей Кобзев хәбәр итеүенсә, Башҡортостанда ҡала эргәһе компанияһы эшен башлау өсөн бөтә нәмә әҙер.

— Беҙ Башҡортостан менән тимер юл араһында 2010 йылға ҡала эргәһе пассажирҙар ташыуға контрактҡа ҡул ҡуйырға әҙербеҙ, — тине Сергей Кобзев.

Шулай уҡ “Өфө” тимер юл вокзалын реконструкциялауҙы тамамлау мәсьәләләре тикшерелде. Мортаза Рәхимов фекеренсә, комплекс төҙөлөшө проблемаһын тиҙ арала хәл итергә кәрәк. Төҙөлөш оҙаҡҡа һуҙылды, һәм был етди борсолоу тыуҙыра, тип һыҙыҡ өҫтөнә алды республика Президенты.

— Вокзал — ул Башҡортостандың визит карточкаһы, һәм төҙөлөштө тамамлауға бөтә көстө һалырға кәрәк. Үҙ ваҡытында республика, бюджеттан миллиард ярым һумдан ашыу аҡса бүлеп, Өфө вокзалын реконструкциялауҙы финанслау буйынса бөтә йөкләмәләрҙе үтәне. Хәҙер бөтәһе лә “Рәсәй тимер юлдары” компанияһына бәйләнгән, мөһим объект төҙөлөшөн тамамлау өсөн финанс яғынан ул да яуаплы, — тине Башҡортостан Президенты Мортаза Рәхимов.

Осрашыуҙа Башҡортостан Хөкүмәте Премьер-министры Раил Сарбаев, республика төҙөлөш, архитектура һәм транспорт министры Рауил Ибәтуллин, Куйбышев тимер юлының Башҡортостан бүлексәһе начальнигы Владимир Бучельников ҡатнашты.

1 из 4

#президентта осрашыуҙар #тимер юл транспорты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.