70.86
-0.13
82.5
-0.14
85.66
+1.05
9+ °C
Облачно
Бөтә яңылыҡтар
Сәйәсәт
14 Декабрь 2009, 16:15

Гендер сәйәсәте проблемалары тикшерелде

Башҡортостан Республикаһы Профсоюздар йортондағы кәңәшмәлә бөгөн ҡатын-ҡыҙҙарҙың хеҙмәт хоҡуҡтарын яҡлау проблемаһы ла тикшерелде. БР Профсоюздар федерацияһы матбуғат хеҙмәтенән хәбәр итеүҙәренсә, илебеҙҙә һәм республикала гендер сәйәсәте өлкәһендәге хәл тураһында доклад менән социология фәндәре докторы, Башҡорт дәүләт университетының ғәмәли социология кафедраһы мөдире Флүрә Борханова сығыш яһаны. Уның һүҙҙәренә ҡарағанда, Рәсәйҙә хеҙмәт мөнәсәбәттәре өлкәһендә ҡатын-ҡыҙҙарҙың хоҡуҡтарын сикләүгә ҡағылышлы хәл ителмәгән мәсьәләләр күп әле.
— Элеккесә эшкә алғанда, юғарыраҡ эш хаҡы билдәләгәндә, карьера баҫҡысы буйлап үрләткәндә ирҙәргә өҫтөнлөк бирелә, — тине Флүрә Борханова. – Ҡатын-ҡыҙҙар шулай уҡ йышыраҡ эшһеҙ ҡала. Улар түбәнерәк эш хаҡы менән вазифаларға ҡуйыла.
Автор:Евгений Рәхимҡолов