Республика рәсми делегацияһы Австрияға һәм Германияға барасаҡ

БР Президентының матбуғат хеҙмәте

Башҡортостан Республикаһы Президенты Мортаза Рәхимов етәкселегендә республиканың рәсми делегацияһы 7 декабрҙән 9-ына тиклем өс көнлөк сәфәр менән Австрияға һәм Германияға барасаҡ. Рәсми делегация составында — БР төҙөлөш, архитектура һәм транспорт министры Рауил Ибәтуллин, Башҡортостан Республикаһының Австрия Республикаһындағы вәкиле Вадим Плетнев.

7 декабрҙә Австрия баш ҡалаһы Венала Башҡортостан Президенты БМО-ның сәнәғәт үҫеше буйынса Генераль конференцияһының (ЮНИДО) 13-сө сессияһы эшендә ҡатнашасаҡ. Конференцияла ҡатнашыусылар — ойошманың 173 дәүләт-ағзаһы вәкилдәре — халыҡ-ара финанс-иҡтисади көрсөк менән бәйле донъялағы хәлде тикшерәсәк, үҫешеүсе илдәргә һөҙөмтәле ярҙам юлдарын билдәләйәсәк, яҡындағы дүрт йылға ғәмәлдәр программаһын һәм бюджетты ҡабул итәсәк, ЮНИДО етәкселеген тәғәйенләйәсәк.

Бынан тыш, Венала Мортаза Рәхимов республиканың тышҡы иҡтисади партнерҙары һәм Австриянан инвесторҙар менән эшлекле осрашыуҙар һәм һөйләшеүҙәр үткәрәсәк.

8 декабрҙә Башҡортостан Президенты Германияға барасаҡ. Атап әйткәндә, Лемфёрд ҡалаһында Мортаза Рәхимов аҙ ҡатлы йорттар етештереү буйынса «Эластогран» предприятиеһы эшмәкәрлеге менән танышасаҡ. Ошонда уҡ республика башлығы завод менеджменты менән һөйләшеүҙәр алып барасаҡ, предприятие технологиялары презентацияһы үткәреләсәк.

Шул уҡ көндө Австрияла Мортаза Рәхимов энергияны һаҡлаусы технологиялар файҙаланып йорттар һалыу ысулдары менән танышырға ниәтләй.

9 декабрҙә Венала Башҡортостан Президенты Рәсәй Федерацияһының Австриялағы Ғәҙәттән тыш һәм Тулы хоҡуҡлы Илсеһе Станислав Осадчий менән һөйләшеүҙәр үткәрәсәк.

#тышҡы иҡтисади эшмәкәрлек #юнидо

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.