Башҡортостан вәкилдәре төбәк-ара ислам мәҙәниәте конкурсында ҡатнашты

Евгений Рәхимҡолов

Башҡортостандың момолман дине вәкилдәре Пермдә “Мосолман донъяһы” Беренсе ислам мәҙәниәте форумында ҡатнашты. Был сара илебеҙҙең төрлө төбәктәре мосолмандары араһында матди һәм дини мәҙәниәт өлкәһендә тәжрибә, белем һәм ҡаҙаныштар менән уртаҡлашыу маҡсатында тәүге тапҡыр ойошторолдо.

Республикабыҙ вәкилдәренән тыш, форумға Татарстандан, Мәскәүҙән, Санкт-Петербургтан, Свердловск, Ырымбур, Киров, Төмән өлкәләренән, шулай уҡ Үзбәкстандан да мосолмандар килде.

Форум сиктәрендә Пермь крайы татарҙары һәм башҡорттары көндәре, Уралда ислам тарихы буйынса конференциялар, милли кейем конкурсы, Рәсәй мосолман Диниә назараттары слеты үткәрелде. Шулай уҡ мосолман йәрминкәһе ойошторолдо, унда ислам уҡыу йорттары, хаж ойоштороусы турфирмалар, хәләл аҙыҡ-түлек етештереүселәр ҡатнашты.

Махсус рәүештә Төмәндән форумға ислам реликвияларының береһе — Мөхәммәт пәйғәмбәрҙең һаҡалынан бер бөртөк сәс килтерелде. Уны илебеҙгә XIX быуатта Ғәрәбстандан сауҙагәр Ниғмәтулла Ҡармышаҡов килтергән. Был өс сантиметр оҙонлоғондағы сәс бөртөгө көмөш колбаға һалынған һәм Төмән тыуған яҡты өйрәнеү музейына һаҡлауға ебәрелгән. Ғәрәбстандан килтерелгәндән алып әлеге көнгә тиклем ул әле бер тапҡыр ҙа Төмән өлкәһенән ситкә сығарылмаған булған.

Әлеге ваҡытта донъяла пәйғәмбәрҙең ошондай биш бөртөк сәсе иҫәпләнә. Уларҙың икәүһе – Истанбулда Топкапы һарайында Мөхәммәт пәйғәмбәрҙең әйберҙәре менән бергә, береһе – Һиндостанда Шринагар ҡалаһында, тағы икәүһе Өфөлә һаҡлана.

#дин

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.