Республиканың Президент Советы ултырышы үткәрелә

Өфөлә, Республика Йортонда, бөгөн Президент Советының дәүләт кадрҙар сәйәсәтенең һөҙөмтәлелеген күтәреүгә арналған ултырышы үткәрелә. Президент Советы ултырышында шулай уҡ Башкортостанда 2010 йылдың тематикаһы билдәләнәсәк.

Башҡортостан Республикаһының Президент Советы —республика Президенты ҡарамағындағы 1994 йылда ойошторолған даими эшләүсе консультатив орган. Уға Башҡортостан Президенты Мортаза Рәхимов етәкселек итә. Совет ултырыштарында республиканың ижтимағи-сәйәси, социаль-иҡтисади, мәҙәни-рухи үҫеш мәсьәләләре тикшерелә. Совет составында – республиканың дәүләт һәм закондар сығарыу власы органдары, иҡтисад, агросәнәғәт комплексы, йәмәғәтселек, мәҙәниәт, мәғариф, фән, киң мәғлүмәт саралары вәкилдәре.