Пермь крайы башҡорттарының мәҙәниәт көндәре үткәрелә

Әлфиә Әһлиуллина

12-14 ноябрҙә Өфөлә “Башҡортостан Республикаһында Пермь крайы башҡорттарының мәҙәниәт көндәре” төбәк-ара форумы үтәсәк.

Өс көнлөк форум сиктәрендә Пермь крайы башҡорт фольклор коллективтары концерттарын, декоратив биҙәү-ҡулланма сәнғәте, милли аш-һыу күргәҙмәләрен ойоштороу, шулай уҡ Пермь делегацияһын Өфөнөң тарихи һәм мәҙәни үҙәктәренә алып барыу планлаштырыла.

“Башҡортостан Республикаһында Пермь крайы башҡорттарының мәҙәниәт көндәре” проектының стратегик маҡсаты булып Пермь башҡорттарының үҙенсәлекле мәҙәниәтен үҫтереү өлкәһендәге социаль мөһим башланғыстарын тормошҡа ашырыу географияһын киңәйтеүгә булышлыҡ итеү тора. Форум ике яҡлы мәҙәни һәм иҡтисади хеҙмәттәшлекте үҫтереүгә йүнәлтелгән.

Шуны ла әйтергә кәрәк, бындай саралар республикабыҙҙа тәүге тапҡыр ғына үткәрелмәй. Башҡортостанда башҡорттарҙың үҙ ирке менән Рәсәйгә ҡушылыуының 450 йыллығы айҡанлы “Башҡортостан Республикаһында Рәсәй төбәктәре башҡорттарының мәҙәниәт көндәре” программаһы эшләп килә. Был программаға ярашлы, 2007 йылда республикала беренсе булып Силәбе башҡорттарының мәҙәниәт көндәре үтте.

Үҙ сиратында, Башҡортостан делегацияһы йыл һайын Пермь крайында губернатор хакимиәте ярҙамында ойошторолған төрлө сараларҙа ҡатнаша. Шуларҙан иң ҙуры – Һабантуй милли байрамы.

#төбәк-ара хеҙмәттәшлек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.