Халыҡты транспорт менән хеҙмәтләндереүгә арналған парламент тыңлауҙары

27 октябрҙә Башҡортостан Республикаһы Дәүләт Йыйылышы-Ҡоролтай Йортоноң Бәләкәй залында (Өфө, Зәки Вәлиди урамы, 40) “Башҡортостан Республикаһында халыҡты транспорт менән хеҙмәтләндереү өлкәһендәге закондарҙы тормошҡа ашырыу барышы тураһында” темаһына парламент тыңлауҙары үткәрелә. Уларҙы үткәреү инициаторы – Дәүләт Йыйылышының Сәнәғәт, транспорт, төҙөлөш, элемтә һәм эшҡыуарлыҡ буйынса комитеты. Көҙгө сессиялағы үҙенең тәүге ултырышында Комитет ағзалары республикала халыҡты транспорт менән хеҙмәтләндереү өлкәһендәге закондарҙың үтәлеше менән ҡәнәғәт булмауҙарын белдереп, был темаға парламент тыңлауҙары үткәреү тураһында ҡарар проектын ҡабул иткәйне.

Июндә депутаттар маршрут һәм еңел таксиҙар менән пассажирҙар ташыуҙы ойоштороу һәм уны бойомға ашырыу тураһында закондың үтәлешен тикшерҙе һәм эштәр торошо менән ҡәнәғәт ҡалманы. БР Дәүләт Йыйылышының парламент тыңлауҙары үткәреү тураһындағы ҡарары сентябрь ултырышында ҡабул ителде.

Тыңлауҙар сәғәт 11-ҙә башланасаҡ.