Төбәктәр үҫеше буйынса Хөкүмәт комиссияһы ултырышы

БР Президентының матбуғат хеҙмәте

20 октябрҙә Калуга ҡалаһында Башҡортостан Республикаһы Президенты Мортаза Рәхимов төбәктәр үҫеше мәсьәләләре буйынса Хөкүмәт комиссияһы ултырышында ҡатнашты. Ултырышты Рәсәй Федерацияһы Хөкүмәте Рәйесе Владимир Путин үткәрҙе. Кәңәшмәлә ҡатнашыусылар Рәсәй Федерацияһы субъекттарында башҡарма власть органдары эшмәкәрлегенең һөҙөмтәлелеге мәсьәләләрен тикшерҙе.

Владимир Путин “яуаплылыҡтың төп зоналары” сифатында мәғариф, һаулыҡ һаҡлау, торлаҡ-коммуналь хужалыҡ өлкәләрен, шулай уҡ иҡтисадты үҫтереү, тулайым төбәк продукты үҫеше, эш урындарын һаҡлау һәм яңы эш урындары асыу өсөн шарттар булдырыуҙы атаны. Ул бюджет учреждениеларының эш сифатын яҡшыртырға, финанслауҙың заманса ысулдарын индерергә, артыҡ административ барьерҙарҙы бөтөрөргә саҡырҙы.

— Эске ресурстар һәм мөмкинлектәр эҙләү, яңы заманса технологиялар индереү иҫәбенә үҫешергә кәрәк, — тине Владимир Путин.

Федераль үҙәк яғынан ярҙам тураһында телгә алып, Хөкүмәт Рәйесе, 2010 йылда төбәктәргә финанс ярҙамы күләме 1,1 триллион һумдан ашып китәсәк, тип билдәләне.

Рәсәй Федерацияһы субъекттарының үҫеше тураһында төп доклад менән Рәсәйҙең төбәктәр үҫеше министры Виктор Басаргин сығыш яһаны. Кәңәшмәлә шулай уҡ Рәсәйҙең һаулыҡ һаҡлау һәм социаль үҫеш министры Татьяна Голикова, мәғариф һәм фән министры Андрей Фурсенко сығыш яһаны.

Кәңәшмәлә Башҡортостан Президенты төбәктәр үҫеше мәсьәләләренә үҙ баһаһын бирҙе. Атап әйткәндә, Мортаза Рәхимов башҡарма власть органдары эшмәкәрлегенең һөҙөмтәлелеген күтәреү бөгөн ҙур әһәмиәткә эйә, тип һыҙыҡ өҫтөнә алды. Кәңәшмәгә йомғаҡ яһап, Башҡортостан Президенты ил Хөкүмәте Рәйесенең субъекттар башлыҡтары менән ошондай форматта осрашыу үткәреүенең мөһимлеген айырып билдәләне.

Шул уҡ көндө Мортаза Рәхимов Өфөгә әйләнеп ҡайтты.

#президент маршруттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.