Өфө Республика көнөн байрам итеүгә әҙерләнә

Бөгөн Өфө мэрияһындағы кәңәшмәлә Башҡортостан Республикаһының Дәүләт суверенитеты тураһындағы декларацияны ҡабул итеүҙең 19 йыллығын байрам итеүгә әҙерлек тикшерелде.

Әле үк район хакимиәттәре, мәғариф, мәҙәниәт һәм сәнғәт учреждениелары хеҙмәткәрҙәре тантанаға әүҙем әҙерләнә. Ҡалала байрам саралары иҫтәлекле датаға тиклем бер нисә көн алдан башланасаҡ. Мәҫәлән, 6 октябрҙә Ҡала Мәҙәниәт һарайында тантаналы йыйылыш планлаштырылған, унда врачтарҙы, уҡытыусыларҙы, мәҙәниәт хеҙмәткәрҙәрен хөрмәтләйәсәктәр. Уларҙан ҡайһы берәүҙәре Республика көнөнә ҡарата фатир асҡысы аласаҡ.

Байрам алдынан ҡаланың бөтә райондарында мәҙәни саралар, спорт ярыштары, һуғыш һәм хеҙмәт ветерандары, производство алдынғылары, студенттар һәм уҡыусылар ҡатнашлығында тантаналы йыйылыштар үтәсәк. Ҡаланың күп ойошмалары һәм предприятиелары хеҙмәт эшмәкәрлегендә юғары һөҙөмтәләргә өлгәшкән ветерандарҙы һәм хеҙмәткәрҙәрҙе хөрмәтләйәсәк.

Традиция буйынса 11 октябрҙә республика һәм ҡала етәкселәре Дуҫлыҡ монументына сәскәләр һаласаҡ. Был көндө Өфөнөң Ленин майҙанында "Республикам минең" йәштәр байрамы үтәсәк, уның сиктәрендә республика һәм Рәсәй масштабындағы эстрада йондоҙҙары, иң яҡшы художестволы үҙешмәкәрлек коллективтары, шул иҫәптән балалар коллективтары ла сығыш яһаясаҡ. 11 октябрҙә "Беренсе Май", Иван Якутов исемендәге мәҙәниәт һәм ял парктарында, "ӨМЭПБ" һәм "Орджоникидзе" Мәҙәниәт йорттары алдындағы майҙандарҙа тантаналар билдәләнгән.

Тантаналар Ленин майҙанында фейерверк һәм лазер шоуы менән тамамланасаҡ.

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.