Руберт Ғәбдүшев вафат булды

Рәсәй "Госгортехнадзор"ының Башҡортостан идаралығына күп йылдар етәкселек иткән Руберт Исмәғил улы Ғәбдүшев оҙаҡ ваҡыт ауырығандан һуң 2009 йылдың 2 июнендә 69-сы йәшендә арабыҙҙан китте.

Руберт Ғәбдүшев 1940 йылдың 15 июлендә тыуған. Хеҙмәт юлын 1959 йылда башлап, ул шаҡтай эш тәжрибәһе туплай, "Востокнефтепроводстрой" тресы төҙөлөш идараһында слесарҙан алып баш механикка тиклем хеҙмәт юлы үтә.

1971 йылдан Руберт Ғәбдүшев Рәсәй "Госгортехнадзор"ының Башҡортостан округына (әлеге ваҡытта "Ростехнадзор"ҙың Урал буйы идаралығы) эшкә күсә һәм 33 йылдан ашыу республиканың хәүефле производстволарына һәм объекттарына дәүләт контролен тормошҡа ашыра. 1987 йылда Идаралыҡтың баш инженеры итеп тәғәйенләнә, 1993 йылдан 2004 йылға тиклем Идаралыҡ етәксеһе була.

Руберт Ғәбдүшев Башҡортостан Республикаһы сәнәғәт производстволарын һәм объекттарын төҙөүҙә һәм файҙаланыуҙа хәүефһеҙлек тәьмин итеүгә ҙур өлөш индерҙе. Башҡортостан энергосистемаһының формалашыуы, нефть эшкәртеү һәм нефть-химия производстволарын төҙөү һәм реконструкциялау, тау эшен һәм төҙөлөш индустрияһын үҫтереү, республика ҡалаларына һәм ауыл райондарына газ үткәреү уның исеме менән тығыҙ бәйләнгән.

Торба үткәргес транспортының ышаныслылығын арттырыу республика программаһы уның әүҙем ҡатнашлығында эшләнде. Был программаны ғәмәлгә ашырыу магистраль торба үткәргестәр хәүефһеҙлеген күпкә арттырҙы.

Ул үҙ ғүмерендә күп нәмәгә өлгөрҙө, күҙәтеү эшмәкәрлеген ойоштороуға нигеҙ һалды, сәнәғәт хәүефһеҙлегенә дәүләт күҙәтеүе бурыстарын юғары кимәлдә хәл итерлек коллектив тупланы.

Руберт Ғәбдүшевтың хеҙмәттәре "Рәсәй "Госгортехнадзор"ының иң яҡшы инспекторы", Башҡорт АССР-ы Юғары Советы Президиумы Почет грамотаһы, Рәсәй Бойондороҡһоҙ профсоюздар федерацияһы Почет грамотаһы менән билдәләнде. 1997 йылда уға "Рәсәй Федерацияһының атҡаҙанған энергетигы" тигән исем бирелде.

Талантлы ойоштороусы, талапсан һәм принципиаль етәксе Руберт Исмәғил улы кеше хәленә инә белгән, ауыр ваҡытта ярҙам ҡулы һуҙырға әҙер торған кеше ине. Беҙҙең хәтерҙә ул мәңгегә шулай булып ҡалыр.

Теги:хәтер вафат булды

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».