"Клаас" компанияһы вәкилдәре менән осрашыу

25 мартта Республика йортонда Башҡортостан Президенты Мортаза Рәхимов Германияның "Клаас" (СLAAS) ауыл хужалығы техникаһы етештереү компанияһы вәкилдәре менән эш осрашыуы үткәрҙе.

Делегация составында "Клаас" концернының Ойоштороу советы рәйесе урынбаҫары һәм акционеры Катрина Клаас, концерндың БДБ илдәре буйынса төбәк директоры Дитер Дюрингер, "Клаас Восток" компанияһының генераль директоры Сергей Пеннер, "Клаас"тың Башҡортостандағы рәсми дилеры - "Европа Агротехникаһы-Өфө" ябыҡ акционерҙар йәмғиәте вәкиле Евгений Зеленов бар ине.

Осрашыуҙа Башҡортостандың "Клаас" компанияһы менән хеҙмәттәшлеген киңәйтеү мәсьәләләре һәм донъя финанс көрсөгө шарттарында үҙ-ара эш итеү механизмдары ҡаралды.

Мортаза Рәхимов, Башҡортостанда ауыл хужалығын заманса техника менән тәьмин итеү мәсьәләләренә ҙур иғтибар бирелә, тип билдәләне. Яңы ҡорамалдар, шул иҫәптән сит илдә етештерелгәндәре лә, республика агросәнәғәт комплексы эшенең һөҙөмтәлелеген арттыра. Атап әйткәндә, 2008 йылда 1,3 миллиард һумға 1220 берәмек сит ил ауыл хужалығы техникаһы һатып алынған.

Мортаза Рәхимов фекеренсә, "Клаас" ауыл хужалығы техникаһы ышаныслылығы һәм юғары етештереүсәнлеге менән айырылып тора. Республика башлығы компания менән хеҙмәттәшлекте артабан киңәйтеү яҡлы булыуын белдерҙе.

Осрашыуҙа Башҡортостан Республикаһы Хөкүмәте Премьер-министрының беренсе урынбаҫары, ауыл хужалығы министры Шамил Вахитов ҡатнашты.

Автор:БР Президенты матбуғат хеҙмәте

Теги:концерн делегация осрашыу

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».