11 мартта - республика парламенты комитеты ултырышы

11 мартта республика парламентының Мәғариф, фән, мәҙәниәт спорт һәм йәштәр эштәре буйынса комитеты ултырышы үткәрелә.

Депутаттар "Һынлы сәнғәт буйынса халыҡ кәсептәре тураһында" Башҡортостан Республикаһы Законына үҙгәрештәр индереү тураһында" Башҡортостан Республикаһы Законы проектын тикшерәсәк, ул БР Дәүләт Йыйылышы пленар ултырышында икенсе уҡыуҙа ҡуйыласаҡ. Шулай уҡ "Башҡортостан Республикаһында ғилми һәм ғилми-техник эшмәкәрлек тураһында" Башҡортостан Республикаһы Законына үҙгәрештәр индереү тураһында" Башҡортостан Республикаһы Законы проекты (беренсе уҡыу); "Мәғариф тураһында" Башҡортостан Республикаһы Законына үҙгәрештәр индереү тураһында" Башҡортостан Республикаһы Законы проекты һәм БР Дәүләт Йыйылышы-Ҡоролтай Президиумы тарафынан индерелгән "Мәғариф, фән, мәҙәниәт, спорт һәм йәштәр эштәре буйынса комитет составында үҙгәрештәр тураһында" Башҡортостан Республикаһы Дәүләт Йыйылышы-Ҡоролтай ҡарары проекты ҡараласаҡ.

Комитет ултырышы Өфө ҡалаһы, Зәки Вәлиди урамы, 46 адресы буйынса БР Дәүләт Йыйылышы-Ҡоролтай бинаһында үткәрелә. 16 сәғәттә башлана.