Башҡортостан халҡын диспансеризацияла яңылыҡтар көтә
Быйыл Башҡортостанда 1,86 миллион кешегә диспансеризация һәм профтикшереү үткәреү планлаштырыла, тип хәбәр итте республиканың һаулыҡ һаҡлау министры Айрат Рәхмәтуллин.
Министр һүҙҙәренсә, 2026 йылда диспансеризацияла мөһим яңылыҡ бар — иртә инфаркттан һаҡлау. Дәүләт гарантияларының яңыртылған программаһы буйынса, 18-40 йәшлек пациенттарҙың барыһы ла хәҙер иртә асыҡлау өсөн мөһим булған күрһәткесте – липопротеидты (а) тикшертеү хоҡуғына эйә. Бынан тыш, липид профилен баһалау киңәйтелде: 18-39 йәшлек пациенттар өсөн — алты йылға бер тапҡыр, 40 йәштән өлкәндәр өсөн — өс йылға бер тапҡыр.
«Был анализ нәҫел гиперхолестеринемияһын — йәштәрҙә иртә инфаркттың һәм инсульттың төп сәбәптәренең береһен асыҡларға ярҙам итә. Тимәк, беҙ инфарктҡа тиклем хәүефте асыҡлайбыҙ, ә эҙемтәләрен дауаламайбыҙ. Әйткәндәй, 2025 йылда Башҡортостанда йөрәк-ҡан тамырҙары ауырыуҙарын тикшереү барышында был сир иғтибар үҙәгендә булды — 719 осраҡ асыҡланды», — тип белдерҙе Айрат Рәхмәтуллин.
Республикала йыл башынан алып 11 ғинуарға тиклем 16 224 кеше медицина тикшереүе үткән.
«Быны мин шәп старт тип иҫәпләйем! Быйыл һеҙгә 18, 21, 24, 27, 30, 33, 36, 39 йәш (тыуған йылдары: 2008, 2005, 2002, 1999, 1996, 1993, 1990, 1987) тула икән, диспансеризацияға яҙылығыҙ. 40 йәштән өлкәндәргә диспансеризация йыл һайын үткәрелә. Йәшенә ҡарамайынса, теләгән һәр кем профтикшереү үтергә мөмкин», — тине Башҡортостандың һаулыҡ һаҡлау министры.
Диспансеризация ваҡытында Башҡортостанда былтыр ғына 300 мең кешелә төрлө ауырыуҙар асыҡланған.
«Был пациенттар дауалана башлаған, тимәк, уларҙың хәле яҡшырыр, йәшәү сифаты ла күтәрелер», — тип йомғаҡ яһаны Айрат Рәхмәтуллин.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.