«Башинформ» — «Медицина и профсоюз» журналистар конкурсы еңеүсеһе

21 августа Өфөлә, Профсоюздар йортонда конкурс еңеүселәрен бүләкләү тантанаһы үтте.

Ижади ярышта медицина хеҙмәткәрҙәренең һәм профсоюз ойошмаларының эшен, һаулыҡ һаҡлау системаһында кадрҙар ярҙамы мәсьәләләрен яҡтыртҡан, тармаҡта эшләгән кешеләр тураһында яҙған журналистар ҡатнашты. Мәғлүмәт агентлыҡтары, республика һәм урындағы телекомпаниялар, баҫма матбуғат, милли телдәрҙәге баҫмаларҙың материалдары тәҡдим ителде.

Бөтәһе 43 ғариза килде, 25 баҫмала донъя күргән 264 мәҡәлә баһаланды.

«Башинформ» «Иң яҡшы мәғлүмәт агентлығы» номинацияһында еңеүсе тип билдәләнде. Агентлыҡ журналисы Эдуард Ҡусҡарбәков конкурстың «Медиктар — МХО геройҙары» номинацияһында еңеү яуланы.

Шулай уҡ конкурста «Башҡортостан» телерадиокомпанияһы, Сибай телерадиотапшырыуҙар студияһы, «Башҡортостан», «Ҡыҙыл таң», «Яңауыл таңдары», «Ҡыҙыл шишмә», «Стәрлетамаҡ эшсеһе», «Салауат ерендә» гәзиттәре еңеүсе булды. «Иң яҡшы махсус репортаж», «Профсоюз ойошмаларын иң яҡшы яҡтыртыу», «Еңеүгә 80 йыл» номинацияларында иң яҡшы эштәр билдәләнде.

«Мин һеҙгә материалдарығыҙҙа табиптарыбыҙҙың ыңғай имиджын булдырыуығыҙ өсөн рәхмәтлемен. Беҙ һеҙҙең менән бергә табип һөнәренең абруйын күтәреү өҫтөндә эшләргә тейешбеҙ. Сөнки был иң лайыҡлы һәм абруйлы һөнәрҙәрҙең береһе булып тора. Бөгөнгө көндә республикабыҙҙа һаулыҡ һаҡлау өлкәһендә 70 меңдән ашыу кеше эшләй. Махсус хәрби операция биләмәһендә лә Башҡортостан табиптары тураһында ыңғай фекерҙәр», — тине Башҡортостандың һаулыҡ һаҡлау министры Айрат Рәхмәтуллин.

https://www.bashinform.ru/news/social/2025-08-21/bashinform-stal-pobeditelem-zhurnalistskogo-konkursa-meditsina-i-profsoyuz-4356511