Башҡортостанда мәктәп директоры урынбаҫарына коллегаларын алдаған өсөн штраф һалғандар
Күгәрсен район-ара суды республика мәктәптәренең береһендә эшләгән директор урынбаҫарына ҡарата хөкөм ҡарары сығарҙы. Ҡатын үҙ вазифаһынан файҙаланып мутлашыуҙа ғәйепле тип табылды.
БР судтарының берләшкән матбуғат хеҙмәтенән хәбәр итеүҙәренсә, ул 2021 йылдан 2024 йылға тиклем уҡытыусыларҙың ышанысын файҙаланып, уларҙан аҡса йыйған. Директор урынбаҫары хеҙмәттәштәренән мәктәпкә ашығыс рәүештә уҡытыу ҡулланмалары һатып алыу һылтауы менән премияларының бер өлөшөн үҙенең шәхси картаһына күсереүҙәрен һораған. Дөйөм алғанда, 103 мең һумдан ашыу аҡса йыйған, уны үҙе өсөн тотонған.
Судта ҡатын үҙенең ғәйебен таныған, үкенеүен белдергән һәм уҡытыусыларҙың аҡсаһын тулыһынса ҡайтарған.
Суд уға 150 мең һум күләмендә штраф һалған. Шулай уҡ ҡатынға бер йыл ярым дауамында мәғариф өлкәһендә етәксе вазифаларҙа эшләүҙе тыйған.
Хөкөм ҡарары әле үҙ көсөнә инмәгән, яңынан ҡаралырға мөмкин.
Бынан алда — «Сәләм, был фотола һин түгелме?»: яҡташыбыҙ мутлашыусылар тоҙағына эләккән.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.