Яҡташтарыбыҙ Сербияла юл һәләкәтенә осраған
Стәрлетамаҡтар яҡташтарының ярҙамына мохтаж.
27 ғинуарҙа Нови-Сад — Суботица трассаһында дүрт автомобиль ҡатнашлығында ҡот осҡос авария теркәлгән. Бер машинала яҡташтарыбыҙ китеп барған. Стәрлетамаҡта тыуып үҫкән 33 йәшлек ир менән 31 йәшлек ҡатын ауыр йәрәхәттәр алған. Аварияла зыян күргән ҡатындың туғаны Эмилия Сәғәҙиева хәбәр итеүенсә, улар ашығыс рәүештә дауаханаға оҙатылған.
«2024 йылдан Сербияла йәшәйҙәр, IT-тармағында эшләйҙәр. Белградта булған саҡта уларға ҡала бик оҡшаған, шуға күрә күсенеп киттеләр. Фажиғә булаһы көндө икенсе ҡалаға медицина ярҙамы алырға тип китеп барғандар һәм ҡот осҡос аварияға осрағандар. Табиптар бер нисә операция яһаған. Апайымдың ирен яһалма рәүештә комаға индергәндәр, ә апайымды Суботицанан Белградҡа ебәргәндәр. Әле ул ауыр хәлдә реанимацияла ята. Табиптар мөмкин булғандың барыһын да эшләй. Был хаҡта беҙгә илселек вәкилдәре хәбәр итте», — тип һөйләне мәғлүмәт агентлығы әңгәмәсеһе.
Уның һүҙҙәренсә, ир менән ҡатындың страховкаһы рәсмиләштерелмәгән, ә сит илдә дауаланыу өсөн бик күп аҡса талап ителә. Бынан тыш, яҡындары уларға ярҙам күрһәтә алмай.
«Тәржемәсе, Сербияла йәшәгән йәки унда барырға йыйынған кешеләрҙең ярҙамы кәрәк», — тип өҫтәне туғаны.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.