Өфөлә теракт ойошторорға маташҡандар

Енәйәтселәр хоҡуҡ һаҡлау органдары иғтибарына Өфөләге полиция бүлеге тураһында мәғлүмәт йыйған мәлдә эләккән. Улар был урынды тикшереп, ҡорал һәм шартлатҡыс ҡоролма өсөн компоненттар һатып алған. Енәйәтселәр шартлатҡысты әҙерләй башлай, әммә, бәхеткә күрә, тамамлап өлгөрмәй.

Бандиттарҙы ҡулға алғанда төркөм етәксеһе ҡораллы ҡаршылыҡ күрһәтә. Федераль именлек хеҙмәте хеҙмәткәрҙәре ут асырға мәжбүр була. Хоҡуҡ һаҡлау органдары хеҙмәткәрҙәре һәм тыныс халыҡ араһынан йәрәхәтләнеүселәр юҡ. Төркөмдөң тағы бер ағзаһы ҡулға алынған, әле тикшереү эштәре бара.

Ирҙәрҙең йәшәгән урынында ҡулдан эшләнгән ҡоролманың өлөштәре табылған. «Аңлы рәүештә террористик акт ҡылырға маташыу» һәм «террористик ойошма эшмәкәрлегендә ҡатнашыу» статьялары буйынса енәйәт эше асылған.