43 йәшлек Полина Захарованы 18 октябрҙән бирле эҙләйҙәр. Силәбе өлкәһендәге «Лиза Алерт» отряды мәғлүмәттәре буйынса, ул Белорет районында Оло Ирәмәл тауында юғалған.
Ул алһыу куртка, ҡуйы ҡыҙыл төҫтәге салбар, башлыҡ кейгән. Турист ҡатындың билдәләре: буйы 153 сантиметр, һары сәсле, ҡуңыр күҙле.
«Ҡотҡарыусылар, егерҙәр, ике тәжрибәле турист, шулай уҡ махсуслаштырылған янғын һүндереү-ҡотҡарыу часы хеҙмәткәрҙәре һәм кинологтар эҙләү эштәрен алып бара. Дүшәмбе, 20 октябрҙә, был эшкә Златоуст һәм Белорет ҡалаларының эҙләү-ҡотҡарыу отряды ҡушылды», — тип хәбәр итә 1obl.ru.