Шаҡ ҡатырғыс фото: Башҡортостанда ағыулы балтырған сапҡан ирҙең тәне бешкән

Республика тире-венерологик ауырыуҙар диспансерына балтырған сапҡандан һуң тәне бешкән ирҙе алып килгәндәр. Мәғлүм булыуынса, ул шорты кейгән килеш баҡсаһын үләндән таҙартҡан.

Тәүҙә ир өйҙә дауаланып маташҡан. Тик бынан һуң хәле насарайған. Температураһы күтәрелгән, тәне сәбертеп бешә башлаған. Дауаханала баҡсасыны дауалап сығарғандар, әле уның хәле яҡшы, тип хәбәр итәләр һаулыҡ һаҡлау министрлығынан.

Ағыулы балтырғандың үтә хәүефле булыуын иҫтә тотоу мөһим. Үләнде тотҡандан һуң III дәрәжә тән бешеүе алырға йә ҡурҡыныс аллергик реакция булырға мөмкин.