Өфөлә бер йылдан ашыу элек юғалған 14 йәшлек үҫмерҙе һуңғы юлға оҙаттылар

Бөгөн Өфөлә 2024 йылдың март аҙағында юғалған 14 йәшлек Дамир Әҙеһәмов менән хушлаштылар. Һөҙөмтәлә экспертиза уның 14 йәшлек Дамир икәнлеген раҫланы. Үҫмерҙе Өфөлә Көньяҡ зыяратында ерләнеләр, тип хәбәр итә «Башинформ» агентлығының үҙ сығанағы.

«Йәншишмә» гәзите хәбәрсеһе Лилиә Фазлетдинова һуңғы юлға оҙатыуҙа ҡатнашҡан. Ул «Башинформға» улының Дамир менән балалар баҡсаһында бер төркөмгә йөрөүе хаҡында һөйләне.

«Шул ваҡыттан алып беҙҙең балалар яҡшы аралашты, бер мәктәптә уҡыны. Бөгөн бөтә мәктәп Дамирҙы оҙатты. Уның класташтары һәм дуҫтары килде. Дамир бик аҡыллы, һәләтле, яуаплы малай ине. Ул спорт менән шөғөлләнде, яҡшы уҡыны. Дамир юғалып йөрөгәндәй хулиган кеүек малай булманы, тәбиғәттә үҙен яҡшы тота ине. Беҙ аҙаҡҡаса уның иҫән ҡалырына ышандыҡ. Әммә мөғжизә булманы», – тип уртаҡлашты Лилиә Фазлетдинова.