Стәрлетамаҡта балалар тәҙрәнән ҡолап төшөп йәрәхәтләнгән

Стәрлетамаҡта балаларҙың тәҙрәнән ҡолап төшөүе хаҡында БР Ғәҙәттән тыш хәлдәр буйынса дәүләт комитеты хәбәр итә. Кисә «112» хеҙмәтенә Дуҫлыҡ урамында бер йәшлек баланың тәҙрәнән ҡолап төшөүе тураһында мәғлүмәт килә. Малай әлеге ваҡытта дауаханала. Һуңыраҡ Хоҙайбирҙин урамында дүрт йәшлек малай тәҙрәнән ҡолап төшөүе хаҡында хәбәр килә. Уны ла ашығыс рәүештә дауаханаға оҙатҡандар.

Әле һаулыҡ һаҡлау министрлығы ошо хәбәрҙе еткерҙе: тәүге осраҡта йәш ярымлыҡ бала 3-сө ҡаттан ҡолап төшкән булған. Уның хәле яҡшырған, реанимация бүлегенән дөйөм палатаға күсергәндәр. Икенсе пациент – 4 йәшлек малай ауыр хәлдә. Уның ғүмере өсөн табиптар көрәшә.

Ҡурҡыныс миҙгел башланды. Быйыл йыл башынан тәҙрәнән 23 бала ҡолап төшкән, 3 сабый һәләк булған, 20-һе ауыр йәрәхәттәр менән ҡотолған. Һаҡ булығыҙ!