Башҡортостанда янғында һәләк булған өләсәйҙе һәм уның ике ейәнен ер ҡуйынына тапшырҙылар

Янғында ғүмере өҙөлгән өләсәйҙе һәм уның ике ейәнен бөгөн Ҡариҙел районының Магинск ауылы зыяратында ерләгәндәр. Был хаҡта ҡала хакимиәтендәге оператив кәңәшмәлә Өфөнөң граждандарҙы яҡлау идаралығы етәксеһе Руслан Шәйҙуллин хәбәр итте.

«Ратмир Рафил улы, һеҙ ҡушҡанса, Совет районы хакимиәте ғаиләгә тейешле ярҙам күрһәтте», — тип белдерҙе ул.

Уның һүҙҙәренсә,  һәләк булған балаларҙың әсәһенә 2022 йылдың декабрендә «аҙ тәьмин ителгән ишле ғаилә» категорияһы буйынса янғын тураһында хәбәр иткән прибор тапшырылған. Янғындан һуң приборҙың төҙөк булмауы асыҡланған.

«Һис шикһеҙ, был оло ҡайғы. Ҡалабыҙҙа бындай хәлдәр ҡабатланмаһын өсөн мөмкин булғандың барыһын да эшләргә кәрәк», — тине мэр.

Әле үлемесле янғын осрағы буйынса тәфтиш алды тикшереүе бара.

Башинформ хәбәр иткәнсә, әсәнең биш улы булған. Ғаилә иҫәптә тормаған, имен тип һаналған.

https://www.bashinform.ru/news/law/2025-04-09/v-bashkirii-pohoronili-pogibshih-pri-pozhare-babushku-i-dvuh-ee-vnukov-4190720