Башҡортостан яугиры ике дошман танкын юҡ иткән
Әлшәй районынан махсус хәрби операцияла ҡатнашҡан Роберт дошмандың ике танкын юҡ иткән. Хәрби задание ваҡытында күрһәткән батырлығы һәм ҡыйыулығы өсөн хәрби Суворов миҙалы менән бүләкләнгән. Был хаҡта Әлшәй районы хакимиәте башлығы Дамир Мостафин белдерҙе.
«Алғы һыҙыҡтағы егеттәребеҙ ҡорос ихтыяр күрһәтә. Робертҡа һәм бөтә егеттәребеҙгә күрһәткән ҡаһарманлыҡтары һәм хеҙмәттәре өсөн рәхмәт белдерәм», – тип яҙҙы Дамир Мостафин үҙенең телеграм-каналында.
Иҫегеҙгә төшөрәбеҙ, Башҡортостанда республика Башлығы Радий Хәбировтың ҡушыуы буйынса контракт буйынса хеҙмәт итеүселәргә бер тапҡыр бирелә торған түләү күләме артты. Рәсәй Президенты 1 августан 31 декабргә тиклемге осорҙа килешеү төҙөгән хәрбиҙәргә 400 мең һум күләмендәге түләү тураһындағы Указға ҡул ҡуйҙы. Шулай итеп, федераль түләүҙәрҙе иҫәпкә алып, Башҡортостан һалдаттары бер юлы дөйөм алғанда 1 миллион 205 мең һум аласаҡ.
122 йәки (347) 218-19-19, һайлау пунктына (347) 248-29-31 һандары буйынса шылтыратып, тулыраҡ мәғлүмәт алырға мөмкин.
Автор: Эдуард Ҡусҡарбәков
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.