Аҙыҡ эҙләп: Башҡортостанда «Шүлгәнташ» ҡурсаулығына йәнә айыуҙар килгән

Башҡортостанда «Шүлгәнташ» дәүләт ҡурсаулығының музей-экскурсия комплексында хеҙмәткәрҙәр бөгөнгө төндө айыуҙарҙы баҫтырып үткәргән.

«Беҙ кис килеп еттек, айыуҙарҙы күҙәтеү өсөн һәр беребеҙ уңайлы урын алдыҡ. Көтөлмәгәнсә булды – айыуҙар күберәк ине – кәмендә өсәү. Беҙҙең алдыбыҙҙа хәҙер ҡатмарлы бурыс тора – айыуҙар кешенән ҡурҡмай, уларҙы ҡурҡытыу ваҡытлыса ғына. Оҙаҡламай хайуандар яңынан пәйҙә була һәм ҡунаҡ йорттарына, сүп-сар һауыттарына, умарталарға яҡынлай. Йыртҡыстар ҡунаҡтарҙы һәм хеҙмәткәрҙәрҙе бик ҡурҡыта, улар ҡараңғыла бинанан сыҡмай. Яңыраҡ бер тайыштабан ҡунаҡтарҙың ҡотон алғайны. Икенсеһе, сүп-сар контейнерҙарын түңкәреп, ҡурсаулыҡ биләмәһендә аҙыҡ эҙләп йөрөгән. Уларҙың ҡарбуз һәм ҡауын ҡалдыҡтарын эҙләп килеүенә инандыҡ. Юлда ләүәш киҫәге ята ине, айыу уларҙы юл буйында ашаған», – тип борсолоуҙары менән уртаҡлашты «Шүлгәнташ» дәүләт ҡурсаулығы директоры Михаил Косарев.

Район хакимиәте һәм айырыуса һаҡланған тәбиғәт биләмәләре дирекцияһы был мәсьәләне хәл итер, тип өмөтләнә директор.

Быға тиклем йәш айыуҙың сүп-сар һауытынан ҡауын урлауы хаҡында яҙғайныҡ.

Автор: Дарья Субботина

https://www.bashinform.ru/news/social/2024-08-06/v-poiskah-edy-v-bashkirii-v-zapovednik-shulgan-tash-vnov-prishli-medvedi-3874275