Өфөлә ҡотҡарыусылар март айында дуҫы менән бергә юғалған Дамир Әҙеһәмовты 128-се эҙләү көнөнә йомғаҡ яһаны. Бер үҫмерҙең кәүҙәһен май аҙағында Дежнев баҫҡысы янында тапҡайнылар. Әле икенсе баланы эҙләү дауам итә. 4 августа Өфөнөң Граждандарҙы яҡлау идаралығы һәм БР Ғәҙәттән тыш хәлдәр буйынса дәүләт комитетының авария-ҡотҡарыу хеҙмәте хеҙмәткәрҙәре кәмәлә 48 саҡрым һыу майҙанын һәм Ағиҙел йылғаһының яр буйҙарын тикшерҙе. Әлегә һөҙөмтәһеҙ.
Шулай уҡ «Башинформ» агентлығының мәҡәләһен дә уҡығыҙ - «Лиза-Алерт» отряды Дамир Әҙеһәмовты эҙләүҙе туҡтатырға уйламай».
Автор: Дарья Субботина