Иғтибар! Өфөнөң Граждандарҙы яҡлау идаралығы йылғаларҙа һыу кимәле күтәрелеүе хаҡында иҫкәртә

Ҡаланың Граждандарҙы яҡлау идаралығының матбуғат хеҙмәтенән хәбәр итеүҙәренсә, алдағы көндәрҙә көслө яуым-төшөм һәм Павловка һыуһаҡлағысынан һыу ебәреү күләме артыуы арҡаһында Өфө йылғаларында һыу кимәленең күтәрелеүе көтөлә. Баш ҡаланың Дим биҫтәһендә урынлашҡан баҡсасылыҡ ширҡәттәренә илткән юлдарҙы һыу баҫыуы ихтимал. Был – «Казарез», «Альбатрос», «Озон», шулай уҡ Ленин районының Козарез һәм Романовка ҡасабалары араһындағы юл.

– Һыу баҫыу ихтималлығы булған бөтә биләмәләрҙә лә күҙәтеү ойошторолдо. Хәл Өфөнөң Граждандарҙы яҡлау идаралығы тарафынан контролләнә. Хөрмәтле өфөләр, ташҡын ваҡытында баҡсасылыҡ ширҡәттәренә барыуҙы кисектереп тороғоҙ. Әгәр Ленин районында хәл насарайһа, халыҡты ташыу өсөн техника йәлеп ителәсәк», — тип хәбәр иттеләр ведомствола.

«Башинформ» агентлығы хәбәр итеүенсә, Башҡортостанда ташҡынға бәйле хәл-торош контролдә ҡала.

Автор: Дарья Субботина

https://www.bashinform.ru/news/social/2024-07-31/vnimanie-ugz-ufy-preduprezhdaet-grazhdan-o-povyshenie-urovnya-vody-v-rekah-3868209