Башҡортостанда катамарандан төшөп һыуға батҡан ирҙе эҙләйҙәр

Кисә Башҡортостан буйынса Ғәҙәттән тыш хәлдәр министрлығына Бөрйән районының Иҫке Собханғол һәм Мәндәғол ауылдары араһында 35 кешенән торған туристик төркөмдөң Ағиҙел йылғаһы буйлап катамарандарҙа йөҙөүе хаҡында хәбәр килгән. «Ҙур амфитеатр ҡаяһы» эргәһендә Яр Саллы ҡалаһында йәшәүсе 50 йәшлек ир катамарандан ҡолап төшкән. Турист ҡотҡарыу жилеты кеймәгән, һөҙөмтәлә шунда уҡ һыу аҫтына киткән.

«Рәсәй Ғәҙәттән тыш хәлдәр министрлығының Өфө эҙләү-ҡотҡарыу отрядынан бер төркөм ҡотҡарыусылар ирҙе эҙләй. Әлеге мәлдә эҙләү бер ниндәй ҙә һөҙөмтә бирмәй», — тип хәбәр иттеләр Ғәҙәттән тыш хәлдәр министрлығының Башҡортостан Республикаһы буйынса матбуғат хеҙмәтенән.

Бынан алда Башҡортостан буйынса Ғәҙәттән тыш хәлдәр министрлығы граждандарҙан туристик походтарҙы һәм йылға буйлап ағып төшөүҙе кисектереп торорға ҡушҡайны.

https://www.bashinform.ru/news/law/2024-07-29/v-bashkirii-spasateli-ischut-muzhchinu-vypavshego-s-katamarana-v-vodu-3865389