Салауат районында водитель һигеҙ һарыҡты тапатҡан. «Башинформ» агентлығына республика дәүләт автоинспекцияһының матбуғат хеҙмәтенән хәбәр итеүҙәренсә, әлеге осраҡ 24 июлдә кис көнө теркәлгән. «Лада Гранта» рулендәге 38 йәшлек ир Кропачево — Мәсәғүт — Әчит автомобиль юлында һарыҡтарҙы тапап үтеп киткән. Малҡайҙар юлға ҡапыл килеп сыҡҡан.
Автомобиль йәмшәйгән, һигеҙ баш һарыҡ үлгән.
«Малдар ҡарауһыҙ йөрөгән. Полиция хужаларын асыҡлай. Әлеге осраҡ буйынса тикшереү башланған», —тип белдерҙеләр Башҡортостан дәүләт автоинспекцияһында.
https://www.bashinform.ru/news/law/2024-07-25/v-bashkirii-voditel-zadavil-8-ovets-3861488