Республикала йәнә үҫмерҙәр юғалған

Башҡортостанда йәнә үҫмерҙәр юғалған. «Башрегионспас» төркөмө ирекмәндәре хәбәр итеүенсә, 13 йәшлек Алексей Макаров менән 16 йәшлек Виталина Гузь 4 июндә Өфө районының Михайловка ауылында юғалған.

Алексейҙың билдәләре: буйы 146 сантиметр, ҡаҡса кәүҙәле, ҡарағусҡыл һары сәсле, һорғолт-зәңгәр күҙле. Күкһел-аҡ толстовка, спорт салбары, аҡлы-ҡаралы кроссовки кейгән.

Виталинаның билдәләре: буйы 160 сантиметр, тығыҙ тәнле, ҡуңыр сәсле, ҡуңыр күҙле. Күлдәк, ҡарағусҡыл йәшел пинжәк кейгән.

Үҫмерҙәрҙең ҡайҙалығы хаҡында ниндәй ҙә булһа мәғлүмәткә эйә булғандарҙан 8-937-3-102-112 йәки 112 телефондары буйынса шылтыратыуҙарын һорайҙар.

https://www.bashinform.ru/news/law/2024-06-05/v-bashkirii-vnov-propali-podrostki-3798324